Asteburuak harrobiko hiru partida dakartza, kadete mailako bat eta jubenil mailako bi, horietatik Bidebietan bi eta Hondarribian, bat. Larunbatean 12,30etan Bidebietan Lacturale Bera Bera kadete taldeak Bidasoa Irun hartuko du ligako bigarren fasean.
Agian harrobiko partidarik garrantzitsuena Bidebietan 16,15etan jokatuko da, izan ere, jubenil mailan, Lacturale Bera Berak Aiala Zarautzen aurka jokatuko du azken partida. Bigarren izateko, garaipenaz gain, hiru goleko aldea behar dute donostiarrek.
Azkenik, igandean goizeko 10etan, Herrería Bidebieta Bera Bera Hondarribian arituko da, Hondartza kiroldegian, Bacalaos Santymar Hondarribia Bidasoa taldearen aurka.
