SUPER AMARA Bera Bera bihar asteazkena 19etan Bidebieta kiroldegian Balonmano Morvedre hartuko du, Kopako itzulera partidan, Sagunton lortutako (25-30) abantaila lagun. Raul Oyarzun eta Aritz Zaragueta nafarrek zuzenduko dute norgehiagoka.
Liberbank Gijón taldearen aurka egindako jokuari jarraipena emateaz gain, helburua da Telden (Kanariar Uhartean) egotea maiatzaren 21tik 23ra bitartean. Donostiarrentzat 30. Partaidetza jarrain izango litzateke. Horretarako, SUPER AMARA Bera Bera bost goleko aldea ekarri zuen joanekoan, non lehen zatian ondo jokatu zuen baina konzentrazioa galdu zuen ostean.
Halere, ligako titulua hizpide duen multzoko lehen jardunaldian Liberbank Gijón menperatu zuen defentsan nahiz erasoan (37-22) garaipen nabarmena lortzeko. KH7 BM Granollers taldearen berdinketa Valladoliden bost puntuko aldea zabaldu du euskaldunen eta kataluniarren artean, bi partida baino gehiago, alegia. Eta biharko partida Elxen larunbatean (16etan TDP) Esperanza Lag pistakoa prestatzeko ondo datorkio SUPER AMARA Bera Berari.
Kopako kanporaketaz gain, asteazkenean aurreneko jardunaldia osatzeko bi partidak ospatuko dira: 18,15etan (Teledeporte) Rincón Fertilidad Málagak Rocasa hartuko du; Atlético Guardések berriz Elche visitelche.com 20,15etan. Galizarrak eta andaluziarrak EHF Cup kanporaketan murgilduta egon arren galduz gero Ligak Europarako ematen dituen hiru lekuak hartzeko lehian atzera gelditzeko arriskuan geldituko lirateke.
Bestetik, Balonmano Morvedrek etxerako lanak ere egin zituen larunbatean etxetik kanpo Cicar Lanzarote Ciudad de Arrecife (17-22) gainditzen, bigarren zati bikainari esker. Bi puntu hauekin, jaitsiera postuak saihesteko lehian bete betean sartu dira Saguntokoak (lau taldek galduko dute maila), izan ere, Lasesarren irabazi zuen Adesal Córdoba puntu batera dute, average alde izanda gainera; larunbatean aurkari izan zuen San José Obrero hiru puntura du eta Santanderren irabazi zuen Conservas Orbe Porriño lau puntura (average galduta). Larunbatean erronka handia izango du René Marigil pistan, Zubileta Evolution BM Zuazo, hain zuzen ere.
Covid 19ko inzidentzia tasa beheruntz joera ez duenez, zalegorik ez da izango Bidebietan.
