Bigarren zatian asmatu duelako SUPER AMARA Bera Berak Aula Alimentos de Valladolid taldea gainditu du gaur Huerta del Rey kiroldegian jokaturiko lagunartekoan, segurtasun neurriak tarteko zaleek partida ikusteko aukera izan dutelarik.
O’Mullony eta Cuadrado jokalariek bereganatu dute protagonismoa norgehiagoka hasi eta berehala. Halere Sanz eta Silva atezainekin topo egin dute. Halere, golak ere egiteko gaitasuna agerian utzi dute eta donostiarrak nagusi izan dira markagailuan Arrojeria, Terés eta Hernándezen bidez.
González de Garibay kontraerasoan bere taldea hurbildu du baina Menéndez eta Moreno, azken honek kontraerasoan, abantaila itzuli diote SUPER AMARAri So Delgadoren saiakerak Silvak oztopatuz (15’: 5-7).
Pistako bederatzi jokalari izan arren, Imanol Álvarezek 5-1eko defentsaren apustua egin du Arrojeria aurrean jarrita, Morenok ondoren ordezkatu duena. Taldearen inguruan are eta burbuila itxiago sortze aldera harrobiko jokalariek ez dute entrenaldietara eta horrelako partidetan parte hartzen.
Cardosok hirugarrenean penaltia gauzatu zuen eta bi taldeek norabidea galdu zuten. Zaleen animoak tarteko, Cuadradok gerturatu zuen Aula (21’: 7-9) laugarren gola eginez.
Fernandesek kanpotik asmatu zuen, Lagunak penaltiz eta Kouda pibotean partida berdindu zuten (10-10). Silvak So Delgadori gelditu zion jauriketa eta Arrojeriak eta Fernandesek gipuzkoarrei arnasa eman zien (10-12). Baina Lagunak berriro penaltiz eta Nietok kontraerasoan ados jarri zuten partida, atsedenaldira arte iraun zuena (13-13).
Bigarren zatia hasieran, Imanol Álvarezek hasierako taldea kokatu zuen - Arruda sartuz atepean- eta 5-1 defentsan ezarri baina O’Mullony eta Cuadradok talka egin ondoren Zamorakoak pista utzi behar izan zuen minez. Morenok Guerra atezaina ezin izan zuen gainditu eta Aulak abantaila lortu zuen Cifuentesen kontraerasoa tarteko. Hernández penaltiz eta kontraerasoan berdindu zuen lehia (38’: 16-16).
Elba Álvarez eta Cifuentes Aula aurretik jarri zuten berriro baina Terések hutsuneak aurkitu zituen. Berdindu zen lehia. O’Mullonyrik gabe, Álvarezek minutuak banatu zituen –Moreno eta Cardosok ia partida osoa jokatu zuten -. Arrojeriak berdindu zuen eta González de Garibay hegalariari igarri zion jaurtiketa Arrudak, bere ateari pertsiana erabat jaitsiz.
Cardosok penaltia gauzatu zuen, Morenok abantaila eman zion taldeari (20-21). Arrudak So Delgado gelditu zuen, Menéndezek kolpea jaso zuen sudurrean eta pista utzi behar izan zuen, Ainhoa Etxeberriak gola berak bakarrik asmatu zuen, Arrudak Fernandesek gauzaturiko kontraerasoa bermatu zuen (20-23) eta brasiladar albokoak erditik sartu zen 0-5 partziala finkatzeko (49’: 20-24) .
Díaz pivotean Arrudarekin egin zuen topo berriro, Etxeberriak So Delgadori oztopatu zion jaurtiketa eta Cardoso, kontraerasora, Guerra gainditu zuen (52’: 20-25). Elba Álvarezek gola egin zuen penaltiz baina Hernándezek jauriketa indartsuarekin erantzun zuen penaltia (55’: 21-27) gauzatu aurretik. Peñasek jokalari gazteei eman zioen aukera eta partida Koudaren golarekin eta Cardosoren beste batekin amaitu zen (22-29).
Ondorioz, positibotzat har daiteke froga, izan ere taldeak lehiatu gabe ia aste darama eta baja ugari ditu. Hurrengo lagunartekoa, asteazkenean Lasesarren.
Fitxa: Aula Alimentos de Valladolid 22, SUPER AMARA Bera Bera 29
Aula Alimentos de Valladolid 22 (13+9): Sanz, González de Garibay (3), Cuadrado (5), T. Álvarez (1), Cifuentes (3), Téllez eta Moles (1) –hasierako zazpikoa- Bergara, Delgado (1), Nieto (1), Elba Álvarez (2), C. Álvarez, Koudia (2), Laguna (3), Fuentes eta Guerra (o.a.) eta Marina (o.a..)
SUPER AMARA Bera Bera 29 (13+16): Arruda, Cardoso (5), Menéndez (1), Terés (4), Arrojeria (5), Hernández (6), Moreno (2) – hasierako zazpikoa - O’Mullony (2), Fernandes (3), A. Etxeberria (1) eta Silva (o.a.)
Epaileak: Núñez eta Campos (Gaztela-Leoi)
Kanporatuak: Téllez (2), Cuadrado, Cifuentes eta Álvarez Aulatik eta Fernandes eta Hernández (2) Super Amaratik.
Partzialak: 2-3, 3-4, 5-7, 6-9, 10-10, 13-13 –atsedenaldia- 16-14, 18-17, 20-19, 20-24, 21-27 eta 22-29
Argazkiak: Valentín González de Garibay
