SUPER AMARA Bera Berak Guerreras Iberdrola Ligako A multzoko aurreneko itzuliari amaiera jarri dio Aula Alimentos de Valladolid aise gaindituz (35-25) jokalari guztien ekarpenari esker, erasoan nahiz defentsan.
SUPER AMARA Bera Beraren aurreneko zatia ikusgarria izan da. Defentsa erdian Pizzo, Terés, Menéndez eta Arrojeria jokalariekin Aula oztopatu dute Arrudaren geldidekak baliatuz. Cardoso eta Sara Gil zazpikoa osatu dute eta Laura Hernándezek Pizzo ordezkatu du erasoan.
Gipuzkorren lehengo lerroa partida bikaina osatu du. Arrojeria eta Hernándezek defentsa mugitzea lortu dute eta Menéndezen laguntza izan dute hasieran eta O’Mullonyrena ostean Hasieratik tartea ireki du SUPER AMARA Bera Berak (7’: 5-1) kapitainaren golarekin.
Aula Alimentos de Valladolid erditik sartzen saiatu da edo Danila So Delgadoren jaurtiketekin baina Arrudak guztietan igarri dio. González de Garibayk birritan taldea gerturatu du (12’: 6-4) baina Arrudak Sara Gil ederki ikusi du abantaila berreskuratuz (8-4).
Tartea mantendu da atsedenaldirako bost minutu falta ziren arte, SUPER AMARA Bera Berak ihes egin du 18-11 Aularen kanporaketak medio.
Bigarrenean gipuzkoarrek ez diote Aulari aukerarik eman Fernandes eta Terésen arteko lotura galerazita. Ondorioz, garaipen bikaina. SUPER AMARA Bera Berak lidergoan amaituko du urtea, bigarren faseari begira bost puntu zihurtatu dituelarik eta sentsazio positiboekin European Handball Leagueko kanporaketarik ekingo dio Errusiarko HC Zvezda taldearen aurka.
Fitxa: SUPER AMARA Bera Bera vs Aula Alimentos de Valladolid
SUPER AMARA Bera Bera 35 (18+17): Arruda, Cardoso (3p), Menéndez (3), Pizzo, Terés (5), Arrojeria (4) eta Gil (4) – hasierako zazpikoa - Hernández (3), O’Mullony (4), Fernandes (4), Cavo (1), A. Etxeberria (3), Moreno (1) eta Silva (o.a.)
Aula Alimentos de Valladolid 25 (11+14): Guerra (1), González de Garibay (5), Cuadrado (3), T. Álvarez, Cifuentes (2), Laguna (6, 2p), Moles (2) –hasierako zazpikoa- Bergara, Delgado (1), Nieto (2), Elba Álvarez, Camejo (2), C. Álvavez, Koudia (1) eta Sanz (o.a.)
Epaileak: Colmenero eta Rollán (Gaztela eta Leoi)
Kanporatuak: Pizzo, Menéndez, A. Etxeberria, Fernandes eta O’Mullony (2) Super Amaratik eta Cuadrado, Laguna, Nieto eta Peñas entrenatzailea Aulatik
Partzialak: 3-1, 6-2, 8-4, 10-6, 13-9, 18-11 –atsedenaldia- 24-13, 24-15, 29-19, 29-21, 32-23 eta 35-25
Gertaerak: Tati Garmendiak Arrojeriari Guerrera Iberdrola garaikurra eman dio
