Lasesarrek oroitzapen bikainak utzi ohi ditu Maitane Etxeberriarentzat eta larunbatean beste bat: sudur-hezurra apurtu zioten jaurtiketa batean eta horren ondorioz, gipuzkoarrak ezin izango du eskubaloi pista bat zapaldu hurrengo hiru asteak.
Kolpea jaso ostean, medikuak bertan ikusi zuen eta segituan Maitane Etxeberria Barakaldoko San Eloy ospitalera eraman zuten. Erresonantziak haustura berretsi zuen baina edemarik gabe, ondorioz, sudur-hezurra ondo kokatu zioten ebakuntza beharrik gabe. Hemendik aurrera, Etxeberriak 10 egun jarduera fisikorik egin gabe egon beharko du eta ezin du pistara itzuli abendura arte.
Jakina, lezotarrak SUPER AMARA Bera Beraren hurrengo hiru partidak galduko ditu: asteazkenean Aula Alimentos de Valladolid taldearen aurka (Gascan, 19etan) eta Errusiako HC Zvezdaren aurkako European Leagueko kanporaketa, joanekoa igandean Gascan izango dena (12:10etan) eta itzulera, igandean hilaren 22an (10:00etan Donostian). Lesio honek zailago jartzen dio Maitane Etxeberriari Carlos Viverren zerrendan egotea Danimarkako Eurokoparako.
