Nazioarteko asteak sortzen duen etenaldia baretze aldera, SUPER AMARA Bera Bera lehiaketa erritmoari eutsi nahi dionez, Ligara itzuli aurretik bihar ostiralean lagunartekoa jokatuko du. Santanderren izango da, Uneatlántico Peredaren aurka La Albericia kiroldegi historikoan 19etan.
Boada eta Cesáreo epe luzerako lesionaturik diren jokalariaz gain, baja izango da bihar Imanol Álvarez entrenatzailea ere, Espainiako junior mailako konzentrazioan delako. Gainontzeko 15 jokalarik egingo dute bidaia Santanderrera Autocares Davidekin eta Álex Nogués bigarren entrenatzaileak zuzenduko du taldea.
SUPER AMARA Bera Bera Guerreras Iberdrola ligara itzuliko da urriaren 10ean berriro Lanzaroten, oraingo honetan, Lanzarote Puerto del Carmen taldearen aurka (larunbata, 18etan Donostiako orduan). Abuztuan donostiarrek Bidebietan lagunartekoa jokatu zuten Uneatlántico Peredarekin, Ligan bi porrotekin debutatu duena, aurreneko Valladoliden eta bigarren, mingarria, gol batez Cicar Lanzarote Ciudad Arrecife taldearen aurka La Alberician. Kantabriarrek A Guardara egingo dute bidaia urriaren 10ean eta Donostian ere laster izango dira, urriaren 24an, alegia.
Maitane Etxeberria ‘objetivo 2021’ proiektutik itzulita, lesionaturik izan ezik, gainontzekoak prest dira SUPER AMARA Bera Beran.
