Kopa ezberdina izango zela bagenekien baina SUPER AMARA Bera Berak ez ditu bere ezaugarriak aurkitu egoera berri honetan, ondorioz, BM Elche Visitelche.com taldearen aurka amore eman behar izan du (24-28) partida guztiz dominatu duena, Musons eta Morales atezaina protagonistak.
Aureneko zatian ez da dominatzaile bat egon nahiz eta elxetarrak gehienetan nagusi izan. Imanol Álvarezek defentsan 5-1 jarri du Arrojeria aurrean kokatuta, Cesáreo, Hernández eta Menéndez atzea eta Etxeberria eta Gil hegalean, Arruda atezain.
Elchek Musonsen jokuan aurkitu du bidea: jaurtiketak, barneraketa, kontraerasora, hegaleratuta eta penaltiz ere bai. Hamaika guztira. Baina ez du bakarrik jokatu. Martínez, Flores eta Andreu lehehengo lerroan eta Tchapchet pibotean hamaika arazo sortu dituzte gipuzkoarren defentsan.
Lehenengo zatian SUPER AMARA Bera Bera partidan egon da, aurretik ere jarri da, Arrudaren gol batekin. 5-1 defentsari aurre egiteko, Elchek pistako zazpi jokalari atera ditu eta bigarrenean asmatu du brasildarrak.
Halere, elxetarren 0-3 partzialari esker atsedenaldira iritsi dira (13-14) Hernández eta Pizzok saiatu arren.
Bigarren zati hasieran, Silvak Arruda ordezkatu baina protagonismoa Moralesek eraman du hegaletatik iristen zitzaizkion baloiak urruntzen, Sara Gil eta Cardosoren ahaleginak. Hirugarrenean asmatu du kataluniarrak taldea gerturatzeko baina Tchapchet aurkitu du Elchek erasoan.
Golak alde batera eta bestean eman ostean, Elchek abantaila lortu du Moralesen geldiketak lagun eta kontraerasoak ere gauzatuz. Ondorioz, hiru goleko abantaila hartu du, Imanol Álvarezek defentsa aldatzera eraman duena, 6-0 ezarriz. Baina ez zen erreakzioa iritsi, Elche oso eroso zegoan tartea are gehiago zabalduz (46’: 18-24).
SUPER AMARA Bera Berako entrenatzaileak pistako zazpi jokalari jarri ditu baina tartea murrizteko baino ez du baloi izan (24-28). Ondorioz, ezohizko Kopa honetatik at final-laurdenetan, 2011n Telden Eldaren aurka izan zen azkena.
Taldea larunbat goizean itzuliko da Donostiara.
Fitxa: Super Amara Bera Bera 24, Elche Visitelche.com 28
SUPER AMARA Bera Bera 24 (13+11): Arruda (1), Etxeberria (3), Menéndez (1), Cesáreo, Arrojeria (1), Hernández (3) y Gil (5) –hasierako zazpikoa- Terés (2), Cavo, Fernandes, Pizzo (8, 5p), Cardoso eta Silva (o.a.). Deialdian: A. Etxeberria eta Moreno
Elche Visitelche.com 28 (14+14): Morales, Gascó (1), Flores (1), Martínez (5, 3p), Tchalchet (3), Musons (11, 2p) eta Bolling (2) –hasierako zazpikoa-Guilabert (1), Beatriz, Andreu (4), Zhukova, Duque eta Encinas (o.a.)
Epaileak: Macías eta Ruíz (andaluziarrak)
Kanporatuak: Cesáreo, Hernández eta Etxeberria Super Amaratik eta Zhukova, Bolling eta Martínez Elchetik.
Partzialak: 1-2, 4-5, 7-7, 8-10, 11-12, 13-14 –atsedenaldi- 14-16, 15-18, 17-22, 19-25, 21-28 eta 24-28
