Jokalarien zerrenda eta entrenatzaile zein laguntzaileena zehaztuta, ligako egutegia ezagututa eta irailren 4tik 6ra Kopa jokatzea aurreikusita, SUPER AMARA Bera Berak aurredenboraldia planifikatu du abuztuaren 12an aurreneko lagunartekoa jokatuko du Gascan Zubileta Evolution BM Zuazorekin eta Bilbon amaituko du abuztuko azken asteburuan.
Imanol Álvarezek prestakuntzako fase honi garrantzi handia eman nahi izan dio. Izan ere, bere garain bertan behera gelditu zena Alarma egoera dela eta Alhaurín de la Torren Kopako fase finalarekin hasiko litzateke denboraldia irailaren 4ean, Guardés eta Málaga izango ditu aurkari liga hasieran eta Europako kanporaketa nahiko argudio dira. Xabier Gorrotxategi prestatzaile fisikoak aste hauetarako lan saioak prestatu ditu jokalariak ahalik eta ondoren iriste aldera uztailaren 27rako, deituta daudenerako, alegia.
Ohi denez gutxienez bost asteko prestakuntza osatu beharra dago aurreneko partida ofizialari ekin aurretik. Guerreras Iberdrola 20-21 Liga irailaren 12an jarriko da martxan baina Kopa aurreikusita, Imanol Álvarezek nahiago izan du denbora bere alde izan. Europa ere sartzen da korapilo honetan, uztailaren 15era arte epea zabalik dago European Handball Leaguen izena emateko, ondorioz, Europako eskema uztailaren amaieran ezagutaraziko da.
SUPER AMARAk hilaren 12an abiatuko du lagunarteko egutegia derbiarekin Gascan (17,30etan), non ikusleen mesederako ligako partidak ere jokatu dituen. Abuztuaren 15ean, -Gipuzkoan lekua zehazteke-, gipuzkoarrek igo berri den Santanderreko Uneatlántico Pereda izango dute aurrean. Bera Berak Eusko Jaurlaritzak ezarritako neurriak beteko ditu, segurtasun aldetik, protokoloak eta jende kopuruena ere bai (%60a). Udazkenean gertatu bezala, SUPER AMARA Bera Bera Lerinera itzuliko da Aula Alimentos de Valladolid taldearen aurka jokatzeko. Hau da, hiru aurkariek A multzoan bat egingo dute donostiarrekin ligako aurreneko fasean. Anztza, ez du aurkaririk errepikatuko abuztuan.
SUPER AMARA Bera Berak eta KH7 BM Granollersek bat egingo dute abuztuaren 22an Zaragozako María de Huerva (19etan) herrian. Amaitzeko, Zubileta Evolution BM Zuazo, Liberbank Gijón eta Frantziako Merignac handball taldeak SUPER AMARA Bera Berarekin Bilbon elkartuko dira. Abuztuaren 28an, ostirala, eta 29an larunbatean ospatuko da txapelketa baina oraindik partiden eta ordutegien berri ez dago. Abuztuan beste partidarik jokatzea ez du klubak baztertzen.
Lagunartekoak 2020ko Abuztuak
Abuztuak 12, asteazkena, 17,30etan: SUPER AMARA Bera Bera vs Zubileta Evolution BM Zuazo. Gascan Donostian
Abuztuak 15. Larunbata. SUPER AMARA Bera Bera vs Uneatlántico Pereda. Gipuzkoan, zehazteke
Abuztuak 19: Asteazkena. SUPER AMARA Bera Bera vs Aula Alimentos de Valladolid (Lerin, Nafarroa)
Abuztuak 22: Larunbata: SUPER AMARA Bera Bera vs KH7 BM Granollers. María de Huerva (Zaragoza)
Abuztuak 28-29: SUPER AMARA Bera Bera, Zubileta Evolution BM Zuazo, Liberbank Gijón, Merginac Handball (FRA). Bilbo
