Carlos Viver hautatzaileak gaur goizean ezagutzera eman du deialdia martxoaren 20tik 22ra Valentziako Llíria hirian Joku Olinpikoetan izateko jokatuko den sailkatze faseari begira, SUPER AMARA Bera Berako Silvia Arderius eta Eli Cesáreo bertan direlarik, Argentinarekin Manuela Pizzo bezala.
Espainiak eta Argentinak Tokio 2020 Joku Olinpikoetan izateko aukerak urratuko dituzte hiru egunetan. Aurreneko bi selekzioen artean izate aldera ligaxkari helduko diote Suedia eta Senegalekin. Viverren selekzioak ostiralean (martxoak 20) Suedia izango du aurkari, larunbatean Senegal eta igandean, Manuela Pizzoren Argentina. Castellanos baja da eskuan mina hartuta eta behin sendatuta Carmen Martínek Etxeberriaren lekua hartuko du, igandean objetivo 2021 delakora abiatuko dena.
Llíriako fase ostean, Espainiak Herbehereak birritan ikusiko du Norvegia eta Danimarkako Eurokoparako sailkatze fasean, bideratuta duen irailean Grezia eta Austria gaindituta. Antequerak hartuko du martxoaren 25ean Japoniako Mundialeko finalaren errepikapena eta Rotterdamek igandean.
Ondorioz, Guerreras Iberdrola ligak gaur asteazkena eta larunbata bitartean 16. Jardunaldia burutuko du eta apirileko aurreneko asteburuan lehiaketa itzuliko da, besteak beste, Elche vs SUPER AMARA Bera Bera partidarekin.
