Deialdian sartuko da bihar Nekane Terés, SUPER AMARA Bera Berak Helvetia Alcobendas hartuko du Bidebieta 18etan (Izquierdo, EAE eta Roy, nafarra) lau puntuko tartearekin lidergoan jarraitze aldera.
Alta medikua jasota, taldekideekin entrenatzen ari da nafarra. Azaroaren hasieran egin zioten ebakuntza Teresi, eskuin belauneko meniskoa konpontzeko. Ondorioz, Guerreras Iberdrola ligako zortzi partida galdu ditu. Bera ekarpenarekin, SUPER AMARA Bera Berak defentsan eta erasoan puntako jokalaria berreskuratu du eta, lehenengo aldiz denboraldi osoan, Imanol Álvarezek plantilla osoa du prest partidarako. Hortaz, zerrendatik bat kanpoan utzi beharko du ermuarrak.
Imanol Álvarezen esanetan “poza handia da, Nekanek maila handitzen duelako, Cesáreok eta Ainhoa Etxeberriak lan onda egin duten arren”. Partida “egokia” da Guardésekiko tartea are gehiago zabaltzeko Granollers galdu baitzuen asteazkenean. Halere, Arderiusekin bat eginda ohartarazi du taldea: “azkena datorrela pentsatzen badugu eta diogu partidari ondo helduko. Bi puntu dira, etxean gaude eta ondo jokatu behar dugu”. Izan ere, bere ustez “Alcobendasek puntu gehiago pilatzeko meritoak egin ditu”. Imanol Álvarezek uste du “lehiatzen jarraituko duen talde gaztea da, iaz egoera honetatik irten ziren eta eskarmentu hori dute. Puntuak urratzeko aukeran daudela uste dute”. Azpimarratzekotan “Nuria Andreu bolada onean dagoeta Francés eta Palomorekin ardura hartu dutenak dira. Defentsan ziur naiz Cristina Cabeza eta Verónica Cuadrado entrenatzaileek tranparen bat prest izango dutela”.
Derbia irabazita, SUPER AMARA Bera Bera etxean bigarren itzuliari ekingo dio bihar, non maiatzaren 23ra arte hamar neurketataik sei jokatuko dituen. Asteazkenean ireki zen jardunaldia Granollersen, bertakoen garaipena Guardesekiko eta gaur gauean Teledeportek (21etan) Conservas Orbe BM Porriño eta Liberbank Gijón taldeen arteko norgehiagoka eskainiko du. Elchek, aldiz, Zuazo hartuko du larunbatean Carrusean.
