Tenerifen SUPER AMARA Bera Berak lidergoa berretsi zuen Balonmano Salud aise gaindituz 23-40 eta sailkapeneko buru da Rocasa eta Liberbank Gijón taldeekiko bi puntuko aldea duelarik, Rincón Fertilidad Málaga, Mecalia Atlético Guardés eta Elche –hurrego aurkari- lau puntura utzita.
Guerreras Iberdrola ligak bigarren etenaldia izango du asteburuan, Kopako aurreneko kanporaketari ekingo zaiolako, ohorezko mailako lau taldeen partaidetzarekin: Porriño Benidormen; Zuazo Logroñon, Alcobendas Castellon eta Tenerife Vigon.
SUPER AMARA Bera Berak Ligako zazpigarren jardunaldia azaroaren 1ean, ostirala 20etan Gascan irekiko du Balonmano Elche hartuz, partida interesgarri batean. Atsedenerako betarik ez zu izango, asteazkenean hilak 6 de Granollers bisitatuko baitu, Challenge Cupean arituko direlako kataluniarrak.
Golegile nagusiena eta gol gutxien jaso duen taldea
Bost jardunaldi hauetan, SUPER AMARA Bera Bera da gol gehien sartu duen taldea, 155 hain zuzen, partidako 31 gol, Bidebieta baino etxetik kanpo gehiago non Alcobendas, O Porriño eta Tenerifen, Donostian berriz Zubileta Evolution Zuazo eta Liberbank Gijón hartu dituela. Asturiarak Bidebietan 21 gol sartu zituzten baina gol gehien sartu duen hurrengo taldea da (148), ondoren Rocasa eta KH7 BM Granollers agertzen dira (145).
106 gol jasota Imanol Álvarezen taldea da gol gutxi jasan izan duena, partidako 21 gol inguru Hurrengoak, Rocasa (113) eta Elche (117) dira.
Gol banaketari dagokionez, Ligan Elche taldeko jokalari internazionala da nabarmen gorenean, Jennifer Gutiérrez partidako 9 gol sartuta. Guarieiro da bigarren (7,6) eta SUPER AMARA Bera Beran Adriana Cardoso (22) eta Sara Gil (21) dira nagusi,, ondoren, Boada, 18; Arrojeria eta Pizzo, 15; Cesáreo, 13; Menéndez, 10; Arderius, Etxeberria eta Terés, 9; eta Moreno eta Fernandes, 7.
