Bart Alcobendasen, SUPER AMARA Bera Berak 601 garaipena eskuratu zuen, 1990. urtean ohorezko mailara igo zenetik Estatuko nahiz Europako lehiaketak kontutan hartuta.
Bidebietako taldeak orain arte 922 partida ofizialak jokatu ditu. 732 Ligan; 489 irabazita, 204 galduta eta 39 berdinduta. Kopan, 72; horietatik 48 gaindituta eta hamar aldiz jokatu du Superkopa, zazpi garaikur lortuta. Europan, 108 norgehiagoka dira, 57 alde; 43 kontra eta 8 berdintuta. (Juan Carlos Elorza kazetariak jasotako datuak)
Suizarrak, Gipuzkoan
Ondorioz, asteburu honetan Europako 110 partideta iritsiko da Bera Bera. Suizako talde baten aurkako laugarren kanporaketa izango da, gainontzekoak gaindituta. 1996ko Errekopan gipuzkoarrek St. Omar St. Gallen taldeari Donostian 22-16 eta Suiza 17-23 nagusitu zitzaion. 2007-08 denboraldian Bera Berak berriro egin zuen topo talde honekin eta Errenterian eta Donostian nagusi izan zen.
LC Brühl suizarra Bera Beraren aurka jokatu zuen 2007ko urtarrilean. Gipuzkoak ere hartu zituen bi partidak, Errenterian eta Bidebietan, donostiarrak nagusi bietan.
Eta 2012ko Txapeldunen ligako sailkatze fasean, Viborg hirian jokatu zena, Bera Berak LC Brühl taldeari hirugarren posturako lehia irabazi zion.
Europako lehiaketak aukera onak eman ditu Donostiatik at partidak antolatzeko. Oraindik zaleen eta jokalarien gogoan dago Irungo Artalekun jokaturiko EHF Cupeko multzoen fasean Errumaniako Craiovarekin. Halere, lehendik, Gasca eta Bidebietaz gain Egian ere aritu da Bera Bera eta Gipuzkoan: Errenterian –bost aldiz-, Lasarte, Andoain eta arestian aipaturiko Irungoa. Tolosak hartuko du lekukoa igandean.
