EHF Cupeko kanporaketa osoa Gipuzkoa antolatzeak hiru partida bost eguneta jokatzera darama SUPER AMARA Bera Bera.
Aurrenekoa, bihar Alcobendaseko ‘Pabellón de los Sueños’en. Autocares Davidekin 11etan irtengo da taldea Bidebietatik eta partida 20etan hasiko da Sergio Estellés –valentziarra- eta Mauro Antonio Montero –madrildarra- epaileen gidaritzapean. SUPER AMARA Bera Beran O’Mullony, Arruda eta Fernandes dira baja, ondorioz, Imanol Álvarezek Zumaiako Pulpo taldetik etorri berri den Ainhoa Larrañaga atezaina deitu du.
Gipuzkoarrak adi doaz, izan ere, iaz azken norgehiagoka galdu zuten bertan. Helvetia Alcobendas amore eman zuen gol bakar batez Conservas Orbe Porriñorekin (25-24). Golak asko banatu zituzten, azken bost minutura 22-22 berdinduta iritsi ziren bigarren zati hasieran 16-11 galtzen joan ostean.
Guerreras Iberdrola ligako bigarren jardunaldia aurrenekoarekin topo egingo du, izan ere, Aula Alimentos de Valladolid eta Rocasa Gran Canaria taldeek 19,30etan jokatuko dute bertan behera gelditu zen partidan, Txapeldunen ligako atarikoan aritu baitzen Rocasa.
EHF Cup: larunbatean eta igandean
Zentzu honetan, SUPER AMARA Bera Berak Suizako LK Zug taldea izango du aurrean larunbatean Gascan (16,30etan) eta igandean Tolosan (12etan). Gaur partida duen Suizako taldeak kanporaketa Donostian jokatzeko proposamena egin zuen. Emakumezkoen eskubaloia sustatze aldera bigarren partida Usabal kiroldegian igandean ospatuko da, Tolosa Eskubaloiko taldearen inplikazioari esker.
