SUPER AMARA Bera Berak Europari agur esan dio aurtengo denboraldian egungo txapeldunaren etxean galduta, SCM Craiova indartsu baten aurrean (26-23, atsedenaldian 13-11). Atzo Nykobing Falster taldeak Kroazian irabazita emaitzak ez zuen ia garrantzirik izan.
Hasteko Imanol Álvarezek 5-1 defentsa irekia planteatu du SCM Craiovari mina egin diona. Terés, Menéndez eta Etxeberria atzean, Arderius eta Gil hegaletan, Arrojeria aurrean kokaturik eta Castellanos, atepean. Baloiak lapurtuta SUPER AMARA Bera Bera 2-3 aurreratu da baina Vizitiu protagonista, 4-0 partziala lortu dute bertakoek.
Errumaniarren defentsa 6-0 oso itxia, Craiovari korrika egiteko aukera eman dio 9-4 jartzeko. Karsten, Sans eta Berasategi sartu dira defentsan eta arazoak izan arren partida berdindu du SUPER AMARA Bera Berak. Halere, atsedenaldian, Craiova aurretik 13-11.
Bigarren zati hasiera negargarria izan da, defentsan nahiz erasoan. Imanol Álvarezek 6-0 defentsara aldatu du baina SCM Craiovak partida apurtuta zuen 23-13. Erasoan Menéndezek probokatu ditu penaltiak. Halere, SUPER AMARA Bera Berak ez du partida bota eta hegaletatik sartzeko aukera izan du Cardoso eta Ezkurdiarekin, tartea 26-23 gutxituz.
Ondorioz, multzoen fasea lau puntukin amaitu du SUPER AMARA Bera Berak, arrakastatsua, bi partida baino ez ditu irabazi baina guztietan izan da lehiakorra.
Fitxa: SCM Craiova 26, SUPER AMARA Bera Bera 23,
SCM Craiova 26 (13+13): Dzhukeva (1), Selaru (2), Trifunovic (1), Tatar (3), Vizitiu (7), Gjeorgjievska (2), Nikolic (1) –hasierako zazpikoa- Ianasi (5), Fachinello, Seric (1), Colac, Ion, Tanasie (3), Costa eta Curment (o.a.).
SUPER AMARA Bera Bera 23 (11+12): Castellanos, Etxeberria, Menéndez, Terés, Arrojeria (1), Arderius (3) y Gil (3) –hasierako zazpikoa- Karsten (1), Cardoso (10), Sans (1), Azurmendi, Ezkurdia (4), Berasategi eta Arruda (o.a.)
Epaileak: Sasa Pandzic eta Boris Satordzija (Bosnia eta Herzegovina)
Delegatua: Kyriakos Kaplanis (Zipre)
Kanporatuak: Gjeorgjievska, Ianasi (2), Seric eta Costa SCM Craiovatik eta Etxeberria, Arrojeria, Terés Super Amara Bera Beratik
Partzialak: 1-2, 5-3, 8-4, 9-6, 11-9, 13-11 -atsedenaldia- 17-11, 21-13, 24-15, 24-19, 25-21 eta 26-23
