SUPER AMARA Bera Berak asteazkenean Bidebietan (19etan) Guerreras Iberdrola ligaren lehenengo itzuliari amaiera jarriko dio Helvetia Alcobendas hartuz. Hurrengo bost partidak Donostian izango dira, urtarrilaren 23tik otsailaren 6ra bitartean, hiru lehiaketetan: Liga, EHF Cup eta Kopa.
Ligan bigarrenak, Mecalia Atlético Guardésekin batera, Rocasa puntu batera, SUPER AMARA Bera Berak bost partida jokatuko ditu Bidebietan eta zazpi etxetik at, teorian, pista zaileneetan: Málaga, A Guarda, Telde, Porriño, Elx, Barakaldo eta Xixon –martxoan eta apirilean izango dira Valladolid eta Granollers-. Garbi geratzen da bidai luzeenak saihestu dituela eta multzoen fasearekin bat egiterakoan, gaizt erdi.
Hortaz, lehenengo itzuliari amaiera ona eman nahi dio SUPER AMARA Bera Berak Helvetia Alcobendas gaindituz alegia lehengo astean Kopan irabazi ziona joanekoa Pabellón de los Sueños pistan (21-31). Donostian jokatuko diren bost partidetatik aurrena izango da hori. Izan ere, SUPER AMARA Bera Beraren ibilbidea EHF Cupen Josean Gascan lortutako emaitzek finkatuko dute. D multzoa EHFko irekiena da, Podravka Vegetak sei puntu ditu eta gainontzekoek bina: donostiarrak, daniarrak eta errumaniarrak. SUPER AMARA Bera Berak Nykobing Falster hartuko du larunbatean (17etan) Gascan etxean indartsu jarraitzeko eta Danimarkako kopako txapeldunari irabazteko aukerak dituela sinistitua. Era berean, Podravka Vegeta ere gainditzeko gai ikusten du SUPER AMARA Bera Berak (otsailak 3, Gascan 12etan). Baina partidaz partida, gainera daniarren eta kroaziarren arteko partiden artean Rincón Fertilidad Málaga izango da bisitari Bidebitan bigarren itzuliari hasiera emateko (urtarrilak 29 asteartea, Bidebietan 19etan).
Bosgarren eta sorta honetako azken partida otsailaren 6an izango da (Bidebietan 19etan) Helvetia Alcobendasen aurrean, Kopako itzuleran, SUPER AMARA Bera Berak hamar goleko aldea duelarik Barakaldon apirilaren 26tik 28ra bitartean ospatuko den Kopan. Eta EHF Cupeko multzoen faseari amaiera jarriko dio Craiovan otsailaren 10ean, igandean.
