Larunbatean SCM Craiova errumaniarrarren aurka EHF Cupeko garaipena oraindik jende askoren ahoetan izan da, SUPER AMARA Bera Berak Kopa final zortzirenei aurre egingo die orain, izan ere Helvetia Alcobendas taldeari egingo dio bisita asteazkenean 20etan (Pabellón de los Sueños, Óscar García eta Alfredo Arcos, madrildarrak).
Danimarkan larunbatean jokatuko duenez, Imanol Álvarezek Judith Sans etxean utziko du, ukanbila zaintze aldera, hortaz pistako 12 jokalari eta hiru atezain sartuko dira deialdian. Bigarren partida etxean jokatu arren (otsailak 6), SUPER AMARA Bera Berak joku bolada ona erakutsi nahi du Guerreras Iberdrola ligari eusten saiatzen ari den taldea baten aurka, lau puntu dituena. Donostiarrek jakin badakite Kopa Alcobendasen hasi eta Barakaldon amaituko dela apirilaren 26tik 28ra bitatean.
Gipuzkoarrak eta madrilaldarrak hilabete batean hiru aldiz ikusiko dute elkar. Izan ere, datorren asteazkenean, hilak 23, Bidebietan 19etan, partida aurreraturik, Guerreras Iberdrola ligako aurreneko itzuliari amaiera jarriz.
