SUPER AMARA Bera Berak goraipamena jaso zuen berriro ere Gipuzkoako Kirol Kazetariek ospaturiko galan, Liga eta Xixonen Superkopa irabazi ostean. Lorpen hauei gehitu behar zaie EHF Cuperako multzoen faserako sailkapena. Gipuzkoarrek urtea garaipen batekin itxi nahi dute igandean Lasesarren (12etan ETB1) HGB Prosetecnisa Zuazoren aurrean.
Guerreras Iberdrola ligako jardunaldia ezohiko egiten da abendu amaieran baina puntuak berdin balio dute eta EHF Cuperi ekin aurretik, SUPER AMARA Bera Berak garaipena eskuratu nahi du sailkapeneko gorenean mantetzeko edo talderen bati aurrera hartzeko, lehia interesgarriak baitaude: Rocasa liderrak Xixonen jokatuko du (ostiralean 21etan) eta Guardések O Porriño (larunbata 19etan).
HGB Prosetecnisa Zuazo Barakaldo da etxean irabazi ez duen talde bakarra baina partida konplikatua da, derbia delako, ezagutza maila handia delako, jokalariren bat leku batetik bestera pasa delako eta entrenatzaileak ere –Joseba Rodríguez ‘Haito’ eta Imanol Álvarez- elkarri asko ezagutzen diotelako. Sailkapenak ez du erakusten bizkaitarren maila, Lasesarren hiru partida gol bakar batez galdu dituelarik: Rocasa, Godoy Maceira Porriño eta Elche Mustang eta lehengo larunbatean Liberbank Gijón taldearen aurka berdindu zuen. Ainhoa Hernández eta Valdivia internazionalak, Alba Sánchez zentrala eta Aallà atezaina dira HGB Prosetecnisa Zuazoko erreferentzia nagusienak.
Bestetik , Imanol Álvarezek nobedade garrantzitsua izango du, izan ere, Sara Gil ezker hegaleko jokalaria prest du, gainera Godoy Maceira Porriñorekin Lasesarren jokaturiko partidan protagonismo handia izan zuen hamar gol sartuta. Kataluniarrak Morandeiraren lekua hartuko du deialdian. Larunbatean Bidebietan Canyamelar Valenciaran aurka emandako irudia hobetu nahi du plantillak.
37 partida 2018an
SUPER AMARA Bera Berak igandean urteko 37. partida ofiziala jokatuko. Orain arte Ligako 26 norgehiagoka izan ditu 22 garaipen lortuta, hiru porrot eta berdinketa bat; Kopan bost partidetatik finala baino ez zuen galdu Xixonen Superkopa irabazi zuen eta Europan bi garaipen eta bi porrot.
