Carlos Viver hautatzaileak SUPER AMARA Bera Berako Merche Castellanos eta Silvia Arderius jokalariak sartu ditu 18 jokalari osatzen duten zerrendan, azaroaren 23tik 25ra bitartean Alacanten ospatuko den lagunartekoak jokatze aldera.
Castellanos eta Arderius konzentrazioara abiatuko dira SUPER AMARAk Hungariako DKKA Dunaujvaros taldearen aurka EHFko itzulera partida jokatu ostean, azaroaren 18an, igandean 12etan Gascan jokatuko dena.
Espainiak Polonia (azaroaren 23an, 21etan), Alemania (24ean, 21etan) eta Arruda atezain izango den Brasil (25ean, 20etan) izango ditu aurkari Alacanten Frantziara abiatu aurretik. Eurokopa Txapelketan Montbeliarden C multzoan abenduaren 1ean egingo du debuta Kroaziaren aurka, Holanda izango du aurrean 3an eta Hungaria, 5ean.
Zerrendan ez dira Sans ezta Etxeberria ere. Gipuzkoarra ezker eskuko apurturik duen behatza poliki poliki osatzen ari da.
