Europako kanporaketak Guerreras Iberdrola ligako zortzigarren jardunaldia aurreratzea dakar, SUPER AMARA Bera Berak KH7 BM Granollers asteazkenean, hilak 7, Bidebietan 19etan hartuko du.
Hortaz, SUPER AMARA Bera Berak bost partida 15 egunetan jokatuko ditu, hiru bidai luze barne. Aurrenekoa ostiral honetan O Porriñora non larunbatean 20etan jokatuko duen (Galizako telebistak zuzenean). Granollers hartu ostean eta Hungariatik bueltan, Elxera egingo du bidaia astean zehar, ostegunean 20,30etan jokatzeko eta azaroaren 18ean, igandean, Hungariako Dunaújvárosi taldearen aurka itxiko du SUPER AMARAk denboraldiko lehen zatia. Kanporaketak 2019 urte hasiera baldintzatuko luke baldin eta R3a gandituz gero, izan ere, SUPER AMARA Bera Berak EHFko multzoen faseari ekingo lioke (sei partida) urtarrileko lehen asteburutik hasita eta hurrengo bostak barne.
Kopako final zortzirenak
Guerreras Iberdrola Ligak etenaldia izan du asteburu honetan Kopako aurreneko kanporaketa jokatu delako (1/16). Sorpresarik ez dira eman bertan sei norgehiagoketan, hau da, ohorezko mailakoak zilarrezkoak baino gehiago izan dira. Hortaz, SUPER AMARAren hurrengo aurkari Godoy Maceira Porriñok Leónen irabazi zuen (18-32); Elche Mustangek Tenerifen (30-35); Morvedrek Ibizan (26-33); Alcobendasek Villaverden (16-33); Valentziak Lanzaroten (19-26) eta Castellónek Logroñon (21-31).
Honek esan nahi du hauetako talde bat izango dela SUPER AMARAren aurkaria final zortzirenetan, bi partidetara jokatuko dena, joanekoa etxetik at urtarrilaren 19an eta itzulera Donostian, otsailaren 9an (partida aurreratuko lirateke EHFn jarraituz gero).
