Maitane Etxeberriak ez zuen Lublinen burututako sailkatze fasearen hirugarrena izateko partida jokatu, SUPER AMARA Bera Berak irabazi zuena, ezker eskuko handiurrean kolpe latzak atsedena hartzeko eskatzen zuen eta asteartean egindako erradiografiak baieztatu du behatzean hezur haustura duela.
Ondorioz, hiru asteaz ezin izango du mugitu eta ondoren errehabilitazioarekin hasi, bi aste iraungo duena. Hortaz, Imanol Álvarezek ezin izango du Etxeberria deitu gutxienez hurrengo bost partidetan, nahiz eta helburua da Teldera iristea, urriaren 12ra.
Alemaniako BBG Bietigheim taldearen aurkako partidan 52. Minutura arte egon zen Etxeberria. Antza, kontraeraso batean, ia zortzi metroetatik jaurti zuen, gola sartuz, baina zeozer nabaritu zuen eskuan eta Cardosok ordezkatu zuen. Hurrengo goizean ubeldura nabarmena zen, jokatu gabe ego narren, Errenterikoak jantzi zen eta berotu egin zuen. Galera garrantzitsua da, batez ere, Etxeberria oso sasoi onean dagoelako.
Leire Aramendia, atxikidurak
Esther Arrojeriari gertatu bezala, Leire Aramendiari ebakuntzari egingo diote berriro, belaunean sortu dire atxikidirak kentze aldera, erabateko mugikortasuna berreskuratzeko. Irailaren 25ean izango da.
Priscila Dos Santos, luxazio
Pesen egindako entrenaldi batean, Priscila Dos Santos brasildarrak luxazioa egin zuen ezker sorbaldan. Froga ugari egin ostean, beso jaurtitzailea izanik, ebakutza egitea da aproposena, oraindik datarik ez duena, horrek esan nahi du 2019ra arte ez dela berriro pistara itzuliko alboko jokalaria.
