SUPER AMARA Bera Berako arduradun Tati Garmendiak gaur goizean Bidebietan Renata Lais Arruda atezaina, Yunis Camejo pibota eta azken fitxaketa Fernanda França da Silva ezker hegalaria aurkeztu ditu .
SUPER AMARA Bera Berarekin ados jartzen aurrena Renata Arruda brasildar gaztea izan zen. Málagako kopa aurretik izan zen, non erabakiorra izan zen Mavi Nuevas Tecnologías taldearen garaipenean. Denboraldi “ezinhobea” burutu zuen, liga eta kopa atezain izendatuta. 19 urte izan arren, Tati Garmendiak jarraitu zuen duela urtebete Egiako txapelketan ikusi zuenetik. Arrudak beranduago egin du bat taldearekin Junior mailako Mundialean izan zelako eta Donostian “beste urrats bat da, lehiaketa ezberdinak jokatu behar dugulako” eta exijentzia altukoa “ezin dugulako partidarik galdu”. Atepean Castellanos eta Zugarrondo ondoan izanda, “oso zaila da postua bereganatzea”.
Gaur aurkeztu diren hiru jokalarietatik aurrena iristen pibota kubatarra Yunis Camejo izan zen, “erronka” moduan ikusten duena SUPER AMARA Bera Beran jokatze, izan ere, “nire burua neurtu nahi dut, nire mugak ikuste aldera”. León eta Alcobendasn egon ostean, Camejok dio “nire ekarpena ematea eta Liga irabaztea nator”. Taldekideei eskertzen die “lotsa ez dudalako sentitu iritsi nintzenetik” eta hiru pibota egonga ez du arazorik ikusten “hirurak ezberdinak garelako”. Bere ustez, “aurtengo SUPER AMARA Bera Berak gauza asko egin ditzake”.
Lehengo astean publiko egin zen Brasilekin Munduko txapelduna irabazi zuen ezker hegalari Fernanda da Silva taldean arituko dela. 28 urtekoa “oso pozik” dagoela dio “lehiaketara itzuli naizelako ama izan ondoren eta urtebete eta zazpi hilabete jokatu gabe”. “Tatirekin hitz egin nuen eta berak hemen jokatzeko aukera eman dit”. Orain forman jartzea nahi du lehenbailehen “horretarako bizpahiru aste beharko ditut, sasoiko egon nahi dudalako hasierako partidetatik”.
