“Ospatu dugu, atseden ere hartu dugu eta Ligan pentsatzea tokatzen da, hor dago, gertu, baina lan egin behar da” hasi bere agerraldia super smara Bera Berako entrenatzaile Imanol Alvarezek, gaur eguerdian Bidebietan saioa hasi aurretik. Igandean, maiatzak 17, 13etan (TDP), bere taldeak Guerreras Iberdrola Ligako finalerdietako joaneko partida jokatuko du Conservas Orbe Zendal Porriñoren aurka.
Bere ustez, “oso kanporaketa zaila izango da”. “Porriñok dezente ikusi gaitu, Ismael Martinezek oso ondo prestatzen ditu partidak, aldaera askorekin, asimilatzea, egokitzea eta tarte txikiarekin erantzutea egokituko zaigu, oso fin ibili behar da horretan”, azaldu du.
Hala ere, Alvarezek espero du “Koparen joera aprobetxatzea, nola lehiatu dugun, espiritu hori eta egunerokoa bizi, hori barneratzen badugu, gertu egongo gara”. Izan ere, helburua “final bat berriro jokatzea da, eta horretan ari gara”.
Aurreko denboraldian ez bezala, super amara Bera Berak liga erregularreko bi partidak irabazi dizkio Conservas Orbe Zendal taldeari. Baina Alvarezek dio gaur egungo Porriñok zerikusi gutxi duela. “Asko aldatu haren geroztik. Bi jokalari garrantzitsu galdu ditu, berregin egin da eta finalerdietan daude, inork haien alde apostu egiten ez zuenean”. Berregiteko moduari buruz, Alvarezek azaldu duenez, urtarrilean Buforn eta Santome galdu ondoren, “Porriño bi piboterekin (Prelchi eta Zhukova) asko jokatzen ari da, bi defendatzaile onak direla gainera. Ez gaude ohituta lan horretara, ez baita askotan erabiltzen. Ismak mugimendu desberdinak aurkitzen jakin du” adierazi du ermuarrak.
Azkenik, super amara Bera Berako entrenatzaileak “120 minutura dagoen kanporaketa baten aurrean gaude, horrela biziko dugu, bizirik ekarri behar da Gascara (maiatzaren 23an), ahal dela tarte txiki batekin, baina ez dut uste igandean erabakiko denik”.
Joko mailaz galdetuta, Alvarezek esan du “ondo lehiatzen ari garela”. Hala ere, onartu duenez, “eskubaloi lehiakorra egiten dugu, grisa puntu positibotik, zer egin behar den jakiten, baina, aldi berean, jakitun gara gure defentsak markatuko dituela kanporaketa eta gure etorkizuna”. “Erasoan, erabakigarriak izaten ari gara, agian ez distiratsuki, baina lasai eta fidati nago dugun eskarmentuarekin. Ikuspuntu horretatik, indartuta atera gara Kopatik” amaitu du.
