Gaur, asteazkena, lehen taldea osatzen duten 15 jokalariak berriro elkartuko dira, bi astez sakabanatuta egon ondoren, Zonzamasen aurkako partidaren ondoren alegia. ondorioz, Imanol Alvarezek eta Jon Begiristainek hiru egun izango dituzte larunbateko partida prestatzeko (Gasca, 18etan), KH7 BM Granollersen aurka (Javier Alvarez – EAE– eta Yon Bustamente –nafarra–).
Izan ere, Espainiako selekzioarekin ariu direnak, astelehenean iritsi zirenak Bratislavatik, atzo egun librea izan zuten – Etxeberria eta Erauskin izan ezik-, eta, beraz, taldea gaur elkartuko da berriro txipa aldatzeko eta datozen hiru aste eta erdietan zentratzeko gogorra izango baita.
KH7 BM Granollers izango da super amara Bera Beraren lehen aurkaria. Vizuete eta Torras jokalarien itzulerekin eta Itziar Martinez (Guardes), Raquel More (Zuazo) eta Nayla de Andrés (La Calzada) fitxaketekin osatu da taldea. Baina orain arte jokatu dituen partidetan irregularra izan da, A Sangriñan minutu askotan irabazten joateko gai izan da, 1-7 hasi zen Zonzamasen, baina aise galtzen amaitu zuen, Eldan 17 gol bakarrik jasota irabazi zuen eta ligako azken partidan Grafomental La Riojarekin etxean galdu zuen abantaila galduz.
Horregatik, ez da aurkari erosoa izango donostiarrentzat Liga txapelketara itzultzeko. Merignacen fitxaketa zapuztuaren ondoren (ezin izan zuen Frantziako lehen mailan lehiatu), Martina Capdevila Granollersera itzuli zen, eta taldeko goleatzaile nagusia da, 39 golekin eta Ligako bigarrena ere delarik. Bere ondoan, Belen Rodríguez, Itziar Martínez eta Mireia Torràsek sakontasun handiko lehen lerroa osatzen dute, hegaletan Ona Vila nabarmentzen da, eta pibotean lana ziurtatuta dute Polonio, De Andrés eta Belen Gamito gaztearekin. Marta Mera eta Goundo Gassama atezainekin bermea atepean. Eta taldearen zuzendaritzan, Robert Cuesta. KH7 BM Granollersek lau punto baino ez ditu eta play-down postuetatik ateratzeko borrokan ari da gaur egun.
