European Leagueko multzoen fasearen erdialdea igarota, bi garaipenekin, super amara Bera Berak final-laurdenetarako bidea urratu du aurreneko sailkapenean bigarren kokaturik. Hala ere, etxetik kanpo bi partida jokatu behar ditu orain (otsailaren 9an Norvegian eta otsailaren 16an Parisen), Gascan ligaxka itxi aurretik (otsailaren 23an), HGS Bensheim/Auerbach Flames liderraren aurka.
Hain zuzen ere, alemaniarrak eta gipuzkoarrak dira multzoen fase honetako talderik golegileenak. Flamesek 98 gol lortu ditu, super amara Bera Berak, 97. HSG Blomberg-Lippek, C multzoko liderrak, 96 gol egin ditu eta Sola HK-k, orain B multzoko hirugarrenak, 95 gol sartu ditu. 93 golekin, Thüringer eta Dijon dira 90eko muga gainditu duten beste bi taldeak.
Golegile nagusien artean Elke Karsten dago. Blomberg talde alemaniarreko hegalekoa da liderra, Kühne (40 gol); atzetik ditu Thüringerreko Reichert eta Sola HK taldeko Holta norvegiarra (27 gol) eta Karsten Promis Lubineko jokalariarekin berdinduta (23 gol) dago.
Gasca, aforo onenen artean
Europako bi norgehiagokak interes handia sortu dute, izan ere, Gascan Sold out jartzeko zorian egon da bi partidetan. Joan den igandean ekialdeko harmaila ireki zen, eta 50 pertsona inguru erosi zituzten sarrera eremu horretan. EHFko delegatuak 1.600 pertsona apuntatu zituen, baina Gascak Fredrikstaden aurrean zuen edukiera 1.700 lagunetik gertuago zegoen.
Zifra horiek edukiera gehien duten lau pista onenen artean kokatzen gaituzte, Lubinen 2.900 pertsonen atzean -Fernandes eta Cavoren taldea-, eta Errumaniako bi partidetako sarreren atzean: Braila (2000 eta 1900 pertsona) eta Valcea (1949 eta 1850 pertsona). super amara Bera Berak aurreikusten du Gascaren aurreko bi aforoak gainditzea datorren otsailaren 23an, HSG Bensheim/Auerbach Flamesen aurkako ligaxka itxiko duen partidan, erabakigarria izan daitekeena.
super amara Bera Berak Fredrikstad bisitatuko du otsailaren 9an eta Paris 16an. Paris 92k Flamesen (Elsenfeld) aurka jokatuko du otsailaren 8an.
