Fredrikstad Ballklubb talde norvegiarrak Paris 92 gainditu zuen atzo Issy les Moulineax pistan, sailkapenean super amara Bera Berarekin bat egiteko, ondorioz, bi talde hauek datorren urtarrilaren 26an, igandean 18etan, jokatu beharreko partida erabakiorra izango da, are gehiago laugarren jardunaldia –otsailak 9- donostiarrak izango baitira bisitari Norvegian.
Bi garaipen poltsikoratuta HSG Bensheim / Auerbach Flames da líder, Norvegian irabazita eta atzo super amara Bera Beraren aurrean, bigarrenak jarraitzen direlarik.
Paris 92 ondo hasi zen baina Fredrikstadek bigarren zatia goitik behera menperatu zuen, defentsan nahiz erasoan, partida irauli eta irabazteko (26-28). Halldorsson Elias Mar entrenatzaile islandarrak zuzenduta, Norvegiako jokalari gazteekin osatu dute taldea.
Horien artean, azpimarragarria da Henriksen pibotaren lana –zortzi gol atzo eta bost Flamesen aurka-, oso ondo konpontzen dena Andersen zentralarekin, taldea zuzentzen duena. Bi alboko jaurtitzaile ditu, eskubian Hagen eta Jorgensen ezkerrean. Lehen lerrroari atseden emateko Dalsween, defentsarako joera gehiago duena, eta Nordrum -20 urte- eta Solberg -19 urte- gaztean. Hegaletan, Sandtro eta Blystad. Fredrikstadek pibotearekin min handia egin zion Paris 92 taldeari izan ere, Henriksenen zortzi goles gain, Eskerudek hiru sartu zituen. Atea zaintzen, Romer da erreferentzia.
Ondorioz, super amara Bera Berak berriro Gascara deia egin du, Paris 92 taldearen aurka babesa sentitze aldera. Hitzordua, urtarrilaren 26n, igandean 18etan.
