European Leagueko bigarren jardunaldian, super amara Bera Berak etxetik kanpo debuta egingo du Alemanian, larunbatean (16ean, ETB1), zehazki Elsenfeld herrian, 10.000 biztanle baino ez dituena, HSG Bensheim/Auerbach Flames hartzen duena. Imanol Álvarezek honela deskribatu Bavierako taldea: “Oso talde indartsua da, erasokorra, eta horrek asko behartuko gaitu defentsan, oso oldarkorra izan behar dena, izan ere, ezin dugu haiek hutsen zain egon, ezin dugu nahi dutenera jokatu, hala balitz, zaila izango delako”.
“Gure defentsak eragina izan dezala haien jokoan, ez daitezela eroso sentitu” eskatu du Alvarezek. Alemaniako taldeak Fredrikstad Ballklubb garaitu aise zuen, eta European Leagueko talde bakarra izan zen etxetik kanpo irabaztea lortu zuena. Baina super amara Bera Bera ere ez da ezustekoa izango Gascan Paris 92 mendean hartu ostean. “Lehiatzeko gogoa erakutsi genuen, gure egiteko modua, eta hala izango da ligaxka honetako sei partida hauetan”, iritzi dio super amara Bera Berako entrenatzaileak. Bere taldea “larunbatean % 100ean lehiatuko gara, baina ez dakit nahikoa izango den”. Flamesek eskarmentua du, iaz ere jokatu baitzuen multzoen fase hau, eta Alvarezek Kim Irion jokalariaren lana nabarmendu du. “Jokoa kontrolatzen du, denborak oso ondo maneiatzen ditu, banakako teknika handia du, eta, beraz, oso adi egon behar dugu”. Zentralaren ondoan, beste bi alemaniar, Engel internazionala eta Kretzschmar, “jaurtitzeko leku handirik behar ez dutenak”. Horregatik, entrenatzaileak eskatu du “defentsan eragina izatea, urrun joka dezaten lortzea, ohituta ez dauden erabakiak hartzera behartzea”.
Norvegian erakutsi zuen bezala, Flamesek ere oso ondo korritzen du kontraerasoan, batez ere Berger hegalarekin. “Atzera egiten hobetu beharko dugu, eta gure erasoko jokoa asko kontrolatu”. Hala ere, gaineratu duenez, “guk ere min egingo diegu korrika egiten”. Oro har, bere partidetan gol kopuru altuetara jotzen dute. “Badakite erasorako duten ahalmenaz, eta 35-40 gol sartzen dituzte, ez gaude ohituta kopuru horietara”, amaitu du.
Rudd Geraetsek eta Paul Geraetsek osatutako Herbehereetako bikoteak zuzenduko du norgehiagoka, eta EHFko ordezkaria Paul Nesser luxenburgotarra izango da.
