Hiru partida baino ez asteburu honetan.
Etxetik kanpo jokaturiko hiru partidak irabazi ostean, Zilarrezko mailan, Bera Berak sendotasuna berreskuratu nahi du Bidebietan asteaburu honetan. Donostiarrek Loizaga taldea hartuko dute larunbatean 19,30etan sailkapeneko goiko aldean jarraitze aldera. Kantabriako taldeak Eibar baino ez du gainditu baina partida estuak jokatu ditu La Jota eta Loyorekin.
Valentziako gertaerak direla eta partida atarian minutuko isilunea gordeko da.
Horrez gain, larunbatean hiru partida dira Bidebietan, Gipuzkoako txapelketei dagokionak. 15,45etan jubenil nesken taldeak Goizper Bergara hartuko du eta 17,30etan kadeteek, Aloña Mendi.
Murgiondo, Lasa eta D’Acunto, Euskadirekin Zumaian
Bera Bera Eskubaloiko hiru jokalari Euskadirekin arituko dira larunbatean Zumaian Kataluniako selekzioaren aurkako lagunartekoetan. Jubenil selekzioak Oihana Murgiondo deitu du eta kadete taldeak, June Lasa eta Chiara D’Acunto. Azken hauek bihar goizean entrenaldia izango dute Zumaian bertan eta Murgiondok Ermuara joan beharko du.
Azaroaren 2an, Zumaiako Lubaki kiroldegian, jubenil selekzioak 15etan hartuko du Katalunia eta kadeteek, berriz, 16,30etan.
