super amara Bera Berak 24-25 denboraldian egingo du debuta European Leagueko QR2an, Lisboako Luz izeneko estadioan, urriaren 6an, igandean (15etan bertako orduan eta 16etan Donostian), egun líder eta Portugaleko ligako txapeldunaren aurka.
Bi taldeek Porton ikusi zuten elkar, baina ez ziren gurutzatu. Donostiarrek Madeira gainditu zuten eta lisboarrek penaltietan galdu zuten Atticgo Elxen aurka, minutu askoan markagailuan nagusi izan arren. Aldiz, 2023ko irailean Donostian antolatutako Iberiar Superkopan elkarren aurka jokatu zuten, garaipena etxean geratu zelarik, hori bai lan oparoa egin ostean (33-28).
Ondorioz, Sport eta Lisboa Benfica kontuan hartu beharreko taldea da, batez ere duten sendotasun fisikoagatik eta hainbat jokalarik kanpora jaurtitzeko duten gaitasunagatik.
Mihaela Minciunak zuzentzen du taldea, 1,80 metro eta 25 urteko zentral handiak, Constança Sequeiraren laguntzarekin (20 urte). Ezkerraldean, taldeko erreferentzietako bat, Maria Unjanque, jaurtiketan indartsua, Shunu Lutunu angolarra bezala, Porton itxura ona utzi zuena. Madeiratik etorrita, Patricia Rodrigues kalitate handiko ezkertiarra da lehen lerro horretan, eta posizio horiek Mariana Costak eta Joana Semedo gazteek osatzen dituzte. Pibotean, Naidia Rodriguesek eta Rita Campos, eta hegaletan Bolzan ezkerrekoan – olinpikoa Paris '24an Brasilekin –,Ana Silva taldeko beteranoena – 32 urte – eta eskuin hegalean Maria Santos brasildarra eta Madalena Pereira.
Azkenik, Matilde Rosak eta Audilia Castrok (26 urte) dira atezainak. Matilde Rosa Iberiar Superkopan ono aritu zen, 19 urte zituen arren. Audilia Castro angolarra Lisboara itzuli da aurten.
Super amara Bera Berak baino talde gazteagoa du Benficak (24,7 donostiarren bataz beste eta 23,3 portugaldarrak). Gakoa azkeneko partidaren irakurketa ona egitea da, eta bere onena ematea, kontuan hartuta Gascaren aukera ere dagoela urriaren 12an (larunbata, 12etan). Miklós Andorka eta Robert Hucker hungariarrek zuzenduko dute lehia.
