Adituen arabera, Guerreras Iberdrola Ligarako bi talde faboritoak izango dira aurrez aurre asteazkenean Gascan ((19etan, Rául Oyarzun eta Aritz Zaragueta, nafarrak). super amara Bera Berak eta Costa del Sol Malaga partida ikusgarria bezain parekatua eskainiko digute, bi taldeen arteko azken lehiak izan diren bezala.
Elxeko porrotaren ondoren, asteazkenean super amara Bera Berarentzat neurketa izango da, Europako kanporaketaren bezperan – igandean Lisboan- kalitate eta, batez ere, esperientzia handiko taldea izango baitu aurrean. Costa del Sol Malagak gaztetasuna irabazi du udako merkatuan: Resende (23 urte), Nayla Solis eta Marta Regordán – biak Gazteen Munduko Txapeldunak aurtengo udan- eta Laura Sánchez (22) berreskuratu du, 28 urteko taldearen batez besteko adina jaitsiz. Suso Gallardoren taldean esperientzia da nagusi bere lerro guztietan: Castellanos (36 urte), Sonora Solano (35) – Alice Silvaren lesio luzearen ondorioz fitxatua –, Sole López (32), Medeiros (30), Arderius (34), Doiro (33), Espe López (32), Campigli (30) eta Lima (29). Estitxu Berasategik (25) eta Eli Cesáreok (24) gazteekin lotura egiten dute. Hau da, plantilla sendoa eta ibilbide luzekoa, bere baliabideak oso ondo ustiatzen dakiena.
Aurrean, 25 urtetik beherako batez besteko adina duen super amara Bera Bera. Soilik Alba Menéndez (33 azaroan) eta Esther Arrojeria (30) izan dira hogeita hamarretik gora, gertu dira Karsten eta Gavilan (28) eta Hernandez eta Etxeberria (27). Batez bestekoan daude Erauskin eta Joao (25), eta Álvarez eta Kostic (24), eta, gutxixeago, Prades eta Louis (23), lotune egiten dutenak Ogonovszky (21), Arroyo (20) eta Tchaptchet eta Tapia (19) gazteekin.
Partida hau prestatzeko, bi taldeek selekzioen deialdien arazoa izan dituzte joan den astean. Karsten eta Gavilan Argentinarekin eta Arroyo, Tchaptchet eta Álvarez Guerreras delakoa selekzioarekin eta Medeiros, Brasilekin, Resende eta Lima Portugalekin eta Campigli Argentinarekin andaluziarren aldetik. Imanol Alvarezek bihar eguerdian emango du partidaren berri, prentsaurrekoan.
Bi taldeen ligako azken partidek lehia estua erakusten dute, xehetasunetan erabakiko dena.
