Ekainaren 2an Guerreras Iberdrola Ligari txapeldun moduan Elxen amaiera eman zion super amara Bera Berak pasa den denboraldian eta 24-25 liga irekitzeko ardura izango du Replasa Beti Onak taldearekin batera, abuztuaren 30an (21etan) Atarrabian jokatuko den norgehiagokan, Teledeportek derbia zuzenean eskainiko baitu.
Otsailean bezala, super amara Bera Berak autobusa antolatuko du zaleei erraztasunak emate aldera. Bidebietan 16,30etan irten; Lasarte-Orian ere geldituko dena, Lacturale bisitatuko dugu eta 19,30ak inguruan Atarrabiara helduko da jokalariei lehen hauspoa emate aldera. Abonatuek 25 euro ordaindu beharko dute eta abonutu ez denak, 35. Izena emateko formularioa
Iaz 20-29 nagusitu zen super amara Bera Bera Indurain Anaiak izaneko kiroldegian baina aurten, lehen partida ofiziala izanik, norgehiagoka zaila igartzen da, batetik, donostiarrek plantillan aldaketa ugari izan dutelako eta Beti Onakek taldea mantentzeaz gain, lehen lerroa indartu du Rocío Rojasekin eta pibotean, Libe Arruabarrena oriotarrarekin.
Gaur 19,30etan, Egiako kiroldegian, bi taldeak Egiako Txapelketa izango dute jokoan.
Era berean, Eskubaloi Federazioak luzatu digu 3. jardunaldiari dagokion partida, super amara Bera Berak Atticgo BM Elche Esperanza Lag kiroldegian jokatu beharrekoa, Teledeportiek eskainiko duela irailaren 21ean 19etan.
Iberiar Superkopa eta European League: ordutegiak
Federazioek Iberiar Superkopan izango ditugun ordutegiak ezagutarazi ditu. Hortaz, super amara Bera Berak Madeira Andebol izango du aurkari irailaren 7an, larubatean, 15etan (bertako ordutegian). Sport e Lisboa Benfica eta Atticgo BM Elche taldeek irekiko dute Superkopa 12etan eta igandean, ordutegiak mantenduko dira, hau da, hirugarren izateko partida 12etan eta finala, 15etan (Donostian, 16etan).
European Leaguen ere zehaztu dira ordutegiak. super amara Bera Berak Sport e Lisboa Benfica taldeari egingo dio bisita urriaren 6an (15etan bertako ordutegian) eta itzulera partida Gascan izango da urriaren 12an (eguardiko 12etan).
