Maitane Etxeberria Guerreras taldearekin lanean ari da asteburu honetan Madrilen igandera bitartean. Helburua Europako txapelketarako sailkatze partidetarako prestatzea da, falta diren biak, baina begirada guztiak Torreviejako aurre-olinpikora zuzentzen dira, apirilaren 11tik 14ra, burutuko dena.
Bestalde, Mariane Fernandes, Brasilekin batera, apirilaren 6tik aurrera Poloniara joango da eta bertan Joko Olinpikoak prestatzeko lagunarteko partida batzu jokatuko dute. Eta hiru argentinarrak, Malena Cavo, Shula Gavilan eta Elke Karsten, Torreviejako aurre-olinpikoa prestatzeko deituko dituzte.
Bestalde, Lyndie Tchaptchet deitu dute astelehenerako Madrilera, junior selekzioarekin. Apirilaren 4an Hungariara joango dira, Errumaniaren aurka hilaren 5ean lagunartekoa jokatuko du eta Hungariaren aurka apirilaren 6an. Igandean itzuliko dira.
Europako txapelketarako Matematikoki sailkatuta dagoen Espainiak apirilaren 3an jokatuko du Lituanian eta apirilaren 7an, igandean, Azerbaijanen aurka, Pontevedran. Bestalde, Torreviejako aurreolinpikoan apirilaren 11a izango da, antza, egun erabakigarriena, Espainiak Txekia (18,30etan) eta Argentinak Herbehereak (21etan) izango baitituzte aurkari. Ostiralean, Espainia eta Argentinaren arteko partida izango da (21etan); larunbatean atseden eguna izango da eta igandean, apirilaren 14an, Argentinak Txekia izango du aurkari (15,30etan) eta Espainiak Herbehereak (18etan).
super amara Bera Berako gainontzeko jokalariek asteartean itzuliko dira entrenaldietara. Torreviejan arituko diren lau jokalariek, aldiz, apirilaren 15ean itzuliko dira. Ostiralean, apirilaren 19an (21etan), Valladoliden izango dute hitzordua Caja Rural Aula Valladoliden aurkako playoffeko joaneko partidan.
