Bi partida erabat desberdin bakar batean. Horixe bizi izan da gaur arratsaldean Gascan. Lehenengoan, Rocasa nagusi izan da jokoaren arlo guztietan, atsedenaldira 11-15 eroso helduz eta, batez ere, Donostiako pabiloia zalantzaz betez. Hala ere, super amara Bera Bera bigarren zatian berregin da 14-6ko partzialarekin eta aurretik jarri da Etxeberriak kontraerasoan sartutako golari esker (21-20) neurketa bereganatuz.
Lehen zatian super amara Bera Beran ia ez da ezer onik atera, Karstenen zazpi metroko jaurtiketak baino ez. Defentsak, Gavilan eta Loidi erdian zituela, Blanco eta Etxeberria ondoan zituela, ezin izan die Terzic eta Da Silvari eutsi, bakoitzak bost gol egin baituzte atsedenaldirako. Erasoa ere ezin izan du kanariarren defentsa gainditu. Silvak zerbait eutsi zion taldeari bere sei geldialdiekin.
Cavo ez da ondo sartu, Alvarezek Etxeberriarekin probatu zuen eskuin albokoan, baina ez du esperotako emaitzarik eman. Eta gainera, hamar baloi galduta eta Rocasak Zaldua edo Morenorekin korritzeko aukera eman dio. Boada sartu da eta Arrojeriak hartu du eskuineko aldea, Fernandesek Karsten ordezkatu zuen bitartean. Baina gipuzkoarrei asko kostatzen zaie gol egoeretara iristea, Fernandesen jaurtiketa bat izan ezik, Arrojeriak eta Erauskinek bakarrik asmatu dute, baina ezin izan dute saihestu Rocasa atsedenaldira abantaila erosoarekin iristea (11-15).
Bigarren zatian, lehen partzialean gol trukaketa eman da. Baina aldaketak sartu ditu Alvarezek defentsan bi pibotak kokatuz, Etxeberria eta Fernandesen laguntzarekin, Karsten eta Hernandez kanpoaldean zirela eta Aalla atezain. Cavok pibote nafarra ordezkatu du erasoan eta bere ekarpena erabakigarria izan da. Karstenek zuzendu taldea, Fernandes eta Cavo alboetan zituela. Rocasan, Lang argentinarrak hartu du protagonismoa eta etxekoen lehen kolpeari eutsi dio. Gainera, Silvia Navarrok bere areatik sartutako gol batek urduritasuna jarri du Gascan, markagailuak 34. minutuan 13-18 adierazten zuelako.
Karsten – hutsik egin gabe zazpi metroetatik: 8/8-, Cavok besoa askatu du bere taldea gol batera jartzeko (44 ': 18-19), Fernandesek berdinketa lortu du (20-20) eta Etxeberriak, kontraerasoan, aurretik jarri zuen bere taldea lehen aldiz, Aallan bere zortzi geldiketekin erabakiorra ere iza da. Lopesek eta Da Silvak nekea nabaritu dute, Zalduak hirugarren kanporaketa ikusi du eta talde kanariarra desagertu egin da, lehen itzulian Telden bezala. Cavok eta Fernnadesek tartea ireki dute (24-20) eta Karstenek (hamaika gol) gaua borobildu du.
Fitxa teknikoa: Super amara Bera Bera 25, Rocasa 21,
Bera Bera 25 (11+14): Silva, Etxeberria (2), Cavo (5), Gavilan (1), Arrojeria (3), Karsten (10, 8p) eta Blanco – hasierako zazpikoa- Loidi, Fernandes (3), Hernández, Boada, Erauskin (1), Tchaptchet, Urretabizkaia, López eta Aalla (o.a.)
Rocasa Gran Canaria 21 (15+6): Navarro (1), Pérez (2), Da Silva (6, 2p), Zaldua (2), Lopes (1), Lang (2) eta Moreno (1) – hasierako zazpikoa- Terzic (6), Cobo, Ojea, Falcón y Guerra (o.a.)
Epaileak: Abel Juncal eta Ángel Mateos (galizarrak)
Kanporatuak: Fernandes (2) eta Gavilan, super amara Bera Beratik eta Dos Santos eta Zaldua (3, gorria 55 ') Rocasatik.
Partzialak: 1-3, 3-4, 5-7, 7-10, 8-13, 11-15 – atsedenaldia – 14-18, 16-19, 18-19, 21-20, 23-20 eta 25-21
