Ambros Martin hautatzaileak Maitane Etxeberria deitu du Espainiako Nazioarteko Txapelketa jokatzeko, izan ere, Guerreras taldeak Japonia, Argentina eta Serbiaren aurka neurtuko ditu indarrak, Santanderren, azaroaren 24tik 26ra. Munduko Txapelketaren aurreko zerrenda da, eta TIEren ondoren, behin betiko deialdia gauzatuko da.
19 jokalariak azaroaren 20rako deituta daude Kantabriako Hoznayo herrian, non astebetez lanean arituko diren. Azaroaren 27an Bilboko aireportutik Danimarkara joango dira, zehazki Frederikshavnera, hiri horretan jokatuko baitute Munduko Txapelketako atarikoa eta Main Round delakoa.
26 urte izan arren, bere laugarren Munduko Txapelketa izan daiteke, 2017ko Alemanian, 2019ko Japonian (Zilarrezko domina) eta 2021eko Espainian (laugarren postua) jokatu ondoren.
