Espero bezala, Argentina eta Brasilek Urrea jokatu zuten bart Txileko Panamerikar Jokuetan eta, ondorioz, Paris-Lille 2024an lekua zihurtatuta dute brasildarrek. Izan ere nagusitasunez gainditu du Argentina (30-18), beraz, Mariane Fernandesek irabazi du Urrea eta Cavok, Gavilanek eta Karstenek, zilarrarekin konformatu ziren.
Replasa Beti Onak taldearen aurkako partidaren ondoren, super amara Bera Berako lau jokalariak Txilera joan ziren euren selekzioekin bat egitera. Multzoen fasean hiru partida jokaturik, finalerdia eta bart gaueko finalari ekin diote bost norgehiagokak Valparaisoko Viña del Mar-eko Kiroldegian.
super amara Bera Berako jokalarietatik, Elke Karsten izan da gehien minutu gehien eman duena , ia 200, hau da, batez beste 40 minutu partidako, eta 25 gol sartu ditu 34 jaurtiketatik eta zortzi asistentzia eman ditu. Giuliana Gavilanek, bere aldetik, bost gol sartu ditu bederatzi jaurtiketetatik eta 2 ordu eta 41 minutu eman ditu pistan (32 minutu partidako), eta Malena Cavok 25/13 partidako 30 minututan. Mariane Fernandesek, berriz, Cavoren estatistika bera du, eta lau asistentzia, 109 minututan (ia 21 minutu partidako).
Jokoan dauden minutuei bidaien nekea gehitu behar zaie. Laurak super amara Bera Berarekin batuko dira Telden, eta litekeena da Imanol Álvarezek Rocasaren aurkako partidan (azaroaren 1ean, asteazkena, 19,30ean, 20,30ean, Donostian) kudeatuko duela euren partaidetza.
