super amara Bera Bera bihar Autocares Davidekin Leongo Villacelama herrira egingo du bidaia Summer BAGeko V. edizioari ekiteko, Aula Valladolid eta Mecalia Atlético Guardés taldeekin batera antolatzen duen udako txapelketa. Irailaren 2an, KH7 BM Granollersekin (Gascan, 19etan) Guerreras Iberdrola Liga abiatu aurretik azken froga izango da.
Caja Rural Aula Valladolid izango da aurkaria lehen finalaurrekoetan (ostirala, 18,30etan) eta bigarrenean (20,30etan) Mecalia Atlético Guardések Rocasa hartuko du, edizio honetan gonbidatua. Larunbaterako ordutegi berberak, hirugarren eta laugarren posturako partida 18,30etan eta finala, 20,30 etan.
Imanol Álvarezek plantilla osoa eramango du, hau da, 16 jokalari, Elke Karstenek entrenaldia kontu handiz egin baditu ere ez du jokatuko. Bai ordea, Alice Fernandes Silva, hiru partida jokatu gabe zeramana. super amara Bera Berak sei lagunarteko jokatuko ditu orain arte, hiru garaipen – Rocasari, Orion; Beti Onaki Egian eta Pessacen-, bi porrot –Chambray eta Paris 92- eta berdinketa bat, Merignacekin Pessacen-.
Summer BAG
Summer BAG txapelketak 2018. burutu zuen bere lehenengo edizioa A Guardan. Hurrengo urtean Donostian izan zen eta pandemiak 2020ko edizioa galerazi zuen. Valladolidek 2021ean antolatu zuen, iaz Villacelaman ospatu zen eta aurten Leongo herri hau egoitza finkoa bilakatu da.
Lau edizio hauetan Helvetia Alcobendas, Liberbank Gijón birritan eta Sport Lisboa e Benfica izan dira talde gonbidatuak; aurten, berriz, Rocasa. Hiru talde hauen asmoa da denboraldiaurrean partiden maila handitzea. super amara Bera Berak hiru aldiz irabazi du txapelketa eta Caja Rural Aula Valladolidek, batean (2021ean).
Lau partidak ikusteko abonamendua hamar eurotan dago. Txapelketa streaming bidez jarraitzeko aukera eskaintzen du.
