Donostiako Josean Gasca kiroldegiak Emakumezkoen Eskubaloiko Iberiar Superkoparen lehen edizioa hartuko du irailaren 8an eta 9an. Bertan, lau talde lehiatuko dira jokoan dagoen lehen titulua lortzeko: Espainiako eta Portugalgo ligetako txapeldunak, Costa del Sol Málaga eta Sport Lisboa e Benfica, Erreginaren Kopakoko irabazle super amara Bera Bera eta Madeira Andebol, Portugalgo Ligako txapeldunordea (Kopakoa ere izan zen).
super amara Bera Bera antolatzaileak Lyndie Tcheptchet pibotea eta Carmen Arroyo albokoa fitxatu ditu, eta Sara Gil, Cristina Polonio eta Paula Arcos galdu ditu iazko plantillatik. Donostiako taldeak titulua defendatuko du, iaz Costa del Sol Malaga gainditu baitzuen Ciudad Jardinen, gizonezkoen Superkoparen lehen edizioarekin batera jokatu zen finalean.
super amara Bera Beraren aurkaria Sport Lisboa eta Benfica izango da (irailak 8, ostirala, 20etan). Gipuzkoarrek Benficari irabazi zioten iaz Villacelaman jokatu zen Summer BAG txapelketan (aurten Rocasa da gonbidatua). Talde fisikoa da, eta Fernandes eta Borshchenko hegalekoak (ukrainarra), Maria Unjanque eta Mariana Costa albokoek, Ursu eta Ferrarin atezainek eta Siqueira erdiko atzelari gazteak dira erreferentzi nagusienak, azken hau Europako Junior Txapelketan izan da protagonista, Portugal laugarren gelditu delarik. Gainera, jende gaztea fitxatu du, Granollerseko pibote ohi Sabryne Souza (22 urte), Lea Zetovic (19 urte) eta Irene Martín (18 urte).
Bestalde, Costa del Sol Malagak oso kontuan hartzeko moduko taldea osatu du lehiaketa guztietan faborito izateko, izan ere, Eli Cesáreo, Lima, Bitolo eta Estitxu Berasategi fitxatu baititu, eta horrek egungo ligako txapeldunaren prestazioak handituko ditu. Suso Gallardoren taldeak Madeira Andebolen aurka neurtuko ditu indarrak (ostiralean, 18etan), Benficari zailtasun gehien jartzen dituen taldea, eta Mecalia Atletico Guardes estu hartu zuen iaz EHF European Cupeko final-laurdenetan. Duartetarrak dira erreferente, Maria albokoa eta Neide hegalekoa; Patrícia Rodrigues hegalekoa, Marilene Souza pibote brasildarra edo Isabel Góis atezaina. Madeirak Serbiako Jagodinatik Ivana Mitrovic fitxatu du, 30 urteko albokoa. Portugalgo bi taldeek European EHF Cup 23-24 txapelketan parte hartuko dute.
Hirugarren eta laugarren posturako partida irailaren 9an izango da 18,30etan, Finala, 21etan.
Iberiar Superkopako abonamendua: venta.berabera.com
Salgai daude jada Iberiar Superkopako abonuak. 25 euroren truke lau partidak ikusi ahal izango dira eta super amara Bera Berako abonatuek 20 eurotan erosi ahal izango dute. Gazte eta erretiratuentzako abonuak 15 euro balio du (12 euro Bera Berako abonatu izanez gero).
