super amara Bera Berak abuztuan jokatuko duen zortzi lagunarteko zikloari hasiera eman dio gaur arratsaldean Gascan, zale dexente elkartu delarik, Chambray Touraineren aurka galduz (20-22). 15 minutuko hiru denborako lagunartekoan talde frantziarrak, bajak gorabehera, bere indar fisikoa, abiadura eta kalitatea erakutsi ditu eta, hirugarren zatian, talde donostiarra, gaztez osatua, gainditu du.
Partida 45 minutura izan denez, Imanol Alvarezek hiru talde osatu ditu, defentsan eta erasoan aldaketarik egin gabe. Arroyo, Erauskin eta Louis jokalariak izan dira 30 minutu jokatu dituzten bakarrak. Lyndie Tchaptchet, Carmen Arroyo, Elene Vazquez eta Naroa Zabala jokalariek debuta egin dute, halere, azken bi hauek bigarren taldearekin jokatzea aurreikusita dago. Arrojeriak muskulu bikietan min hartuta baja izan da, ondorioz, Arroyok zuzendu du taldea hasieratik, Cavok albo batean eta Fernandesek bestean lagunduta, Tchaptchetek pibotean eta Erauskin eta Louis hegaleetan.
Gipuzkoarrek, gaur laranjaz, hasiera ona eman diote partidari Fernandesek kanpoko jaurtiketan eta Louisek penaltiz sartutako bi golei esker. Defentsan, Tchaptchet eta Arroyo erdigunean kokatu dira, Sow pivotearen aurrean lan bikaina eginez, Cavo eta Fernandesen laguntzarekin. Erauskinek eta Louisek hegaleetan eta Silva atezain. Chambray punteria findu gabe hasi da, baina Kabambaren abiadurari esker markagailuan hurbildu da (7 ': 4-2). Arroyok super amara Bera Berarekin penaltiz sartu du bere lehen gola, baina Erauskinek eta Louisek ez dute asmatu eta super amara Bera Berak ezin izan du abantaila handiagoa hartu. Arroyok eta Louisek penalti bana huts egin zuten, biak Tchaptchetek eragindakoak. Silvak bost geldialdi egin ditu abantailari eutsiz.
Debako hegalekoak Chambray gehiago gerturatu du gol bikaina eginez (6-5) baina Tchaptcheten bi golei esker – bata euskarrian eta bestea atea hutsik pista erdituk–.8-6 utzi dute lehen partziala.
Bigarrenean, Imanol Alvarezek talde berri bat sartu du: Zabala atezain, Etxeberria, Menendez, Boada, Gavilan, Karsten eta Hernandez. Boadaren lehen gola sartu arren – 7. dortsal berriarekin –, baloi galerek – bost guztira – aukera ematen diote Chambrayri. Debak berdinketa lortu du eta Zabala gazteak ezer gutxi egin ahal izan du Van Der Heijden herberetarrak bere taldea aurretik jarri duenean (10-11). Gainera, Nkindanda pibotearekin lotura lortu dute eta abantaila handitu dute frantziarrek. Azken txanpan, Karsten, Menendez eta Hernandezek, penaltiz eta kontraerasoan, aldea murriztu dute (14-15).
Hirugarren eta azken partzialean, talde oso gaztea: Erauskin, Arroyo -eskuinaldean-, Tapia, Loidi, Louis, Vázquez eta Aalla atezain. Tapiak baloia lapurtu du Loidik kontraerasoan gola sartu eta partida berdintzeko. Aallak penalti bat gelditu du, Loidik gola sartu du zazpi metroetatik eta Bera Bera aurretik jarri du (17-16) baina Van Der Heijdenek berdinketa lortu du berriro. Loidik (bost gol) gol sartzeko ardura hartu du eta Chambrayk tartea ireki du Puleri eta Kabambaren golekin. Vazquezek, kontraerasoan, bere lehen gola egin du, gol bakarrera jarri du super amara Bera Bera minutu baten faltan, baina Atilak penaltia gauzatu du eta lagunartekoa erabakita utzi du (20-22).
Laburbilduz, lehen proba interesgarria, astebeteko lan karga osatu ostean. Bajak gorabehera defentsan gogor aritu den eta bere abiadura erakutsi duen Chambray taldearen aurrean. Eta eskubaloirako grina sumatu da Donostian. Abuztuaren 11n, ostirala, Capbretonen, bigarren lagunartekoa, Paris 92ren aurka; Orion, hirugarrena abuztuaren 13an.
Fitxa teknikoa: Super amara Bera Bera 20, Chambray Touraine 22
super amara Bera Bera 20 (8+6+6): Lehen taldea: Silva, Erauskin, Cavo, Arroyo (1p), Tchatpchet (2), Fernandes (3), Louis (2, 1p). Bigarren taldea: Zabala, Etxeberria, Menéndez (1), Boada (1), Gavilan, Karsten (2), Hernández (2, 1p). Hirugarren taldea: Aalla, Erauskin, Arroyo, Tapia, Vázquez (1), Loidi (5, 2p) eta Louis.
Chambray Touraine 22 (6+9+7): Quiniou, Pina (1), Naas, Van Der Heijden (3), Puleri (4), Sow (1), Nkindanda (3), Ledoux, Deba (3), Kabamba (4), Ebara, Atila (3), Perche (o.a.).
Bikote arbitrala: Marta Fernández eta Jon Mendizabal (euskaldunak)
Kanporatuak: Pina, Deba eta Atila (Chambray)
Partzialak: 3-0, 5-3, 8-6, 10-10, 13-14, 14-15, 16-16, 17-20 eta 20-22
Gertaerak: Partidak 45 minutu iraundu du.
