super amara Bera Berako entrenatzaile Imanol Álvarezek plantilla uztailaren 26an 18etan Josean Gasca kiroldegian deitu du 2023-24ko denboraldiaurreari abian jartzeko. Irailaren 2an, Gascan bertan KH7 BM Granollers taldearekin ligan debutari izan aurretik, pistan (Gascan eta Bidebietan) 22 saio, Ammma Donostian beste 14 eta zortzi lagunartekoei ekingo diote.
Gascan lehen plantillako 13 jokalari bertaratuko dira, izan ere, Maitane Etxeberria, Esther Arrojeria eta Laura Hernández Errumanian dira Espainiako selekzioarekin. Bertan izango dira 2023-24rako nobedadeak: Lyndie Tchaptchet pibote nafarra, Ciudad Realeko Carmen Arroyo albokoa eta bigarren entrenatzaile, Jon Begiristain. Horrez gain, Eider Tapiak, Naroa Zabala atezainak eta sei urte eta gero Donostira itzuli den Elene Vázquezek, bigarren taldean jokatzeko, super amara Bera Berarekin bat egingo dute.
Zortzi lagunarteko jokatuko ditu Super amara Bera Berak, aurrenekoa Chambray Touraine, Frantziako ligan laugarren, European Leaguen ere arituko dena. Abuztuaren 4n izango da 18,30etan Gascan, ateak irekita. Bigarrena Capbretonen izango da, abuztuaren 11n 19etan, Paris 92 aurkari. Rocasa izango da arerioa Orion abuztuaren 13an, igandean 12etan; abuztuaren 16an (19,30etan) super amara Bera Berak eta Beti Onak Egiako txapelketan elkar ikusiko dute eta abuztuaren 18 eta 19an Pessaceko txapelketan arituko dira donostiarrak D2ko taldeekin, ostiralean Pessac bertakoa (20,30etan) eta larunbatean Merignac edo CAB Handball. Guerreras Iberdrola ligari ekin aurretik, Summer BAG burutuko da Leongo Villacelama herrian. Abuztuaren 25ean (18,30etan) Caja Rural Aula Valladolid izango da aukaria eta larunbat arratsaldean, Mecalia Atlético Guardés edo Rocasa Gran Canaria.
