Lehiaketak betetako denboraldiak Guerreras Iberdrola ligak asteak luzatzera daramatza eta lehen egunetik azkenera arte datak aprobetxatzera, ondorioz, atzo Madrilen buruturiko Federazioko Asanbladak onartu zuenez iraileko eta ekaineko lehen asteburuan hasi eta bukatuko da liga. Gipuzkoak hartuko du Kopa 2024ko maiatzaren 10etatik 12ra bitartean.
Pasa den denboraldian bezala, liga erregularrak 22 jardunaldi izango ditu, irailaren 1etik 2024ko martxoaren 23ra arte, txapeldunak European Leagueko txartela ziurtatuko du eta azpitxapeldunak, EHF Cupean. Zortzi onenek titulua helburu duen play-offei helduko diete, nobedade batekin, bi partida baino ez dira jokatuko, halere partida gehien irabazten duenak gaindituko du kanporaketa eta berdinketa egotekotan, hamar minutuko luzapena jokatuko da. Hemen berdinketa ematen bada, penaltietara erabakiko da. Final laurdenak apirilaren 20an eta 27an jokatuko dira; final-erdiak, maiatzaren 4 eta 18an eta finala, maiatzaren 25ean eta ekainaren 2an.
Asanbladak onartu zuen ere Guerreras Iberdrola ligak 14 talde izatea 24-25 denboraldiran, hortaz, talde bakarrak galduko du maila, aurten bezala play-down formato bera erabilita eta Urrezko mailatik bi talde zuzenean igoko dira eta hirugarrena lauko finala jokatu ostean.
Kopak ere aldaketak dakartza. Lehen kanporaketa azaroaren 18an jokatuko da; bigarrena, 2024ko urtarrilaren 20an eta, esan bezala, fase finala maiatzaren 10etatik 12ra bitartean. Antolatzaileak, beti etxeko talde gisa arituko dena, ezin izango du aurkaria aukeratu zozketan.
Horrez gain, Iberiar Superkopa irailaren 8 eta 9ean ospatuko da, Espainia eta Portugaleko liga eta Kopako txapeldunen artean.
Imanol Álvarez entrenatzaileari aitortza
Atzo Madrilen Federazioak urtero banatzen dituen sarien artean, Imanol Álvarezi Espainiako junior eta goreneko selekzioetan egindako lanagatik Zilarrezko intsignia jaso zuen.
Egutegia:
Hasiera: Irailak 1; Amaiera: Ekainak 2
Iberiar Superkopa: Irailak 8-9
Kopa: Maiatzak 10, 11 eta 12
Ligako jardunaldiak:
J 1: Irailak 1
J 2: Irailak 5septiembre
J 3: Irailak 16
J 4: Irailak 23
J 5: Irailak 30
J 6: Urriak 7
J 7: Urriak 21
J 8: Urriak 28
J 9: Azaroak 1
J 10: Azaroak 4
J 11: Azaroak 11
J 12: Abenduak 22
J 13: Abenduak 29
J 14: Urtarrilak 13
J 15: Urtarrilak 27
J 16: Otsailak 3
J 17: Otsailak 10
J 18: Otsailak 17
J 19: Otsailak 24
J 20: Martxoak 9
J 21: Martxoak 16
J 22: Martxoak 23
Play-off:
Final-laurdenak: Apirilak 20 eta 27
Final-aurrekoak: Maiatzak 4 eta 18
Final: Maiatzak 25 eta Ekainak 2
Kopa:
1 kanporaketak: Azaroak 18
2. kanporaketa: Urtarrilak 20
Fase Finala (Gipuzkoan): Maiatzak 10, 11 eta 12
