Imanol Alvarezek komunikabideen aurrean egin du gaur agerraldia, titulurako play-offak hasi bezperan. Motive.co Gijónen aurka jokatuko du super amara Bera Berak La Arenan (ostirala, 21, Roberto Carlos Mendoza eta Pablo Visciarelli, Andaluziarrak), eta Kopako txapeldun izan ondoren “datorrenari hobeto heltzen diogu” onartu du, eta “nekatuta egon arren, taldeak lehiatu egingo duela” ziurtatu du.
Super amara Bera Berako entrenatzailea pozik agertu da Malagan lortutako Kopako tituluarekin. “Oso pozik gaude, berriro lehiatu nahi genuen titulua zen, gogoa genuen, ez da erraza izan, baina lortu dugu”. Ia dastatzeko astirik gabe, play-offak datoz. “Ezagutzen ez dugun formatoa, jokatu ez duguna, mentalki talde bezala indartuta iritsi arren lehiaketa berri bat da, baina moldatu behar dugu”. “Bagenekien zer zetorren – jarraitzen du-, baina lehen partida hau zaila da guretzat, gatozen tokitik gatoz, Kopako txapeldun izateko zailtasun bedeinkatua, baina zure aukera berberak dituen talde bati egin beharko diogu aurre, titulua lortzeko borrokan aurrera egin nahiko baitu”. Eta Imanol Alvarezek NBAko adibidea jarri du, non “Miami Heatek, liga erregularreko zortzigarrenak, Bucks, lehen sailkatua, kanporatu duen (4-1) bart”.
Motive.co Gijóni buruz galdetuta, super amara Bera Berako entrenatzaileak azaldu du “urte txarra igaro du, play-down-a saihestu du azken egunean, baina txapeldun izateko aukerak ditu, eta hori pizgarri izan daitekeela haientzat, ilusio berrituekin, Kopan beste txinparta batekin ikusi bainituen”.
Taldearen egoera fisikoari buruz, “espero dut gaur atzo baino hobeto egotea” hasperen egin du. “Juxtu samar goaz, baina horrela joatea sinatuko genukeen, baita larunbatean jokatzea ere bai”. Eta Elke Karstenek ezker erpuruko lotailua kaltetuta duela jakinarazi du. “Guk kenduko ez badugu berak jarraituko du, ikusiko dugu”. Lesioetatik atera berri diren Alba eta Emma ondo daude, “gutxiago jokatu dute Kopan eta garrantzitsuak izango dira orain”.
Horregatik guztiagatik, “Kopako mentalitateak bihar bertan agertu behar du, liga berriro irabazi nahi dugulako eta jokalariak play-off honi aurre egiteko oso mentalizatuta ikusten ditudalako”. “Kopa irabazteak indartu egiten gaitu kanporaketa hauei begira, formatua berria den arren eta partida hauek nola biziko ditugun ez dakidan arren, esperientzia berri bat da, bigarren partida etxean eta aste oso batez prestatzeko izan behar dugun lasaitasunarekin. Taldeak amore emango du eta hazi egin da, une txarretan sufritzen dakiela erakutsi du” amaitu du.
