Sailkapenean eraginik gabe egin diote aurre derbiari gaur eguerdian Gascan super amara Bera Berak eta Zubileta Evolution Zuazok, baina defentsa, atezain, golak egiteko gaitasuna eta gipuzkoarren abiadura funtsezkoak izan dira lehia desorekatzeko (41-17, 20-12 atsedenaldian).
Lehen minutuetan bi taldeek asmatu egin dute jaurtiketetan. Andrea Zalduak markagailua ireki du eta Fernandesek erantzun du, biak posizionalean. Molesek eta Velascok abantaila itzuli diete bisitariei baina Fernandes geldiezina zen eta gainera Bera Bera bizkaitarren galerak aprobetxatzen hasi zen Loidi, Cavo eta Karstenekin korrika eginez. Bilboko Euskadiko Kopan bezala, Karsten zentral lanetan aritu da, Cavo eskuinean eta Fernandes ezkerrean zituela, Polonio pibotean eta Erauskin eta Hernandez hegaletan. Bizkaitarrak Velasco ezustean harrapatu du, Hernandezek kontraerasoan sartu du eta Cavok bi zartako eman ditu behetik.
Alvarezek aldaketak egin ditu Guerreras selekzioarekin aritu ziren Etxeberria, Arrojeria eta Arcos sartuz, eta Gavilan eta Marie Louis ere bai, frantziarra 5-1ekoan aurreratuan jarri delarik eta izan dituen bi aukeretan asmatu du gainera. Partida alde berdinean mantendu da, Nerea Gil eta Mada Fernandez-Agustiren saiatu arren, baina Fernandesek asmatzen jarraitzen du, Aallak bezala. Atsedenaldian, 20-12.
Bigarren zatian, partida hasierako talde bera, baina defentsa 6-0era jaitsi du Álvarezek, lapurtu eta korrika egitea ahalbidetuz, eta Aallaren laguntzarekin. 14 minutu kostatu zaio Zuazori gola egitea. Ondorioz, etxekoen abantaila handitu egin da, Hernandezek (9/9), Cavok eta Erauskinek ate aurrean asmatuz.
Bengoetxearen irteerarekin, Zuazok sakontasunez irabazi du baina bost gol besterik ez du egin bigarren zatian. Hernandezek txaloak jaso ditu egindako gol batean, baloiaren efektuaz baliatuz eta lehen zatian bezala, Alvarezek talde osoa aldatu du, Arrojeria, Arcos eta Fernandes lehen lerroan kokatuz, Gavilan pibotean eta Etxeberria eta Louis hegaletan. Arrojeriaren eta Arcosen barneraldiekin eta Etxeberriaren golekin aldea handitzen jarraitu dute etxekoek.
Azken finean, Rocasaren aurkako partidatik bigarren egunez elkartu den taldeari konfiantza eman dio garaipena. Astelehenean, super amara Bera Berak Atticgo Elche taldean jarriko du arreta, ostiralean (Málaga, 18etan) Kopari helduz.
Fitxa teknikoa: Super Amara Bera Bera 41, Zubileta Evolution BM Zuazo 17,
Super Amara Bera Bera 41 (20+21): Aalla, Erauskin (4), Cavo (5), Gavilan (1), Karsten (1), Fernandes (5), Hernández (9, 3p) – hasierako zazpikoa- Loidi (3), Etxeberria (2), Louis (3), Arrojeria (2), Arcos (4, 2p), Polonio (2), Menéndez eta Silva (o.a.). Deialdian, Boada.
Zubileta Evolution BM Zuazo 17 (12+5): González, Velasco (1), Zaldua (3), Berasategi, Permach (2), Bengoetxea (3) eta Molés (1), -hasierako zazpikoa- M. Fernandez-Agustí (3, 1p), Sarrionandia-Ibarra, Gil (2), Valero, Molano, García (2, 1p), González (o.a.)
Epaileak: Mauro Antonio Montero (Madrildarra) eta Jon Cid (euskalduna)
Kanporatuak: Polonio eta Loidi super amaratik eta Nerea Gil, Puigbó, Permach (2) Zuazotik
Partzialak: 4-3, 9-5, 13-7, 14-8, 17-10, 20-12 -atsedenaldia- 22-12, 27-12, 32-13, 34-14, 37-16 eta 41-17
