Lara Gonzálezen lesioa dela eta, José Ignacio Prades Espainiako hautatzaileak June Loidi deitu du Guerreras selekzioaren deialdia osatze aldera, Portugalen Batalha izeneko txapelketan parte hartzeko. Streaming
Espainiako selekzioa Kiroletako Goreneko Kontseiluak Madrileko instalazioetan elkartu zen atzo. Bertan entrenaldi saioak martxoaren 2ra arte egingo dituzte, Portugalera joango diren egunean. Martxoaren 3an, ostiralean 18etan (bertako orduan), Guerreras selekzioak Cabo Verde izango du aurrean, larunbatean (15,30etan, bertako orduan) Italia izango da aurkaria eta martxoak 5, igandean (18etan, bertako orduan), Portugal antolatzailea.
Lagunarteko hauek 2023ko Munduko txapelketara sailkatzeko kanporaketa prestatzeko azken froga izango da. Austria izango da aurkari orduan, joanekoa Maria Enzersdorfen, Vienako hegoaldean, apirilaren 8an (larunbata 18etan) eta itzulera, Antequeran, apirilaren 12an, asteazkena (20.30etan). Ondorioz, super amara Bera Berako Maitane Etxeberria, Esther Arrojeria y Paula Arcos taldekideekin bat egingo du June Loidik, goreneko selekzioarekin azkeneko aldia 2022ko Mediterraneoko Jokuetan izan zelarik.
