super amara Bera Bera Elxera joango da bihar, Esperanza LAGen, 20etatik aurrera (Alejandro Hoz eta Axel Riloba, Kantabriarrak), Atticgo Elxeri aurre egitea, Europako kanporaketa dela eta aurreratuko den 14. Jardunaldiari dagokion partidan.
Guerreras Iberdrola Ligan boladarik onena daramaten bi taldeen arteko norgehiagoka izango da biharkoa, super amara Bera Berak hamabi garaipen jarraian lortu ditu eta Atticgo Elxek, bost. Estatistikez gain, Imanol Álvarezen ustez “Elxekoa beti da partida zaila, dentistarengana joatea bezala da, jokatzeko partida polita da, aurkariak erregulartasuna lortu duelako, jokalari berriak Joaquinen (Rocamora) sisteman sartu dira eta bere etxean arriskutsua da”.
Dena den, Alvarez ziur da “guk partida ona jokatuko dugula, gozatu eta, ahal bada, irabazi. Ez da erraza izango, baina gauzak ondo egiten ari gara, eta adi ibiliko gara, esnai, bi puntuak ekartzeko eta sailkapenean abantaila izaten jarraitzeko gogoz”.
Atzoko entrenamenduan, larunbateko KH7 BM Granollersen aurkako partida aztertu zuen taldeak. “Norgehiagoka berriro ikusita eta zenbakiak aztertuta, ez zitzaidan partida txarra iruditu, baina abantaila handiagoa hartzeko gai izan ez ginen izan, batez ere lehen zatian, Granollersek baino 10 aldiz gehiago jaurti arren, bi goleko aldea besterik ez genuen lortu”.
Bere ustez, asteazkeneko partidaren gakoa “gure defentsa bere erasoari, bere jaurtitzaileei aurre egitea da eta Elxen defentsan presionatzen duen momentuetan burua hotz izatea, jokatu behar dugunarekin eta ate aurrean gehiago asmatzea, Elxek gol gutxi jasotzen dituelako bere defentsa sistemari eta atezainen lanari esker”. Hortaz, “partida estua” antzeman du.
Atticgo Elxen erreferenteei buruz galdetu diotenean, Alvarezek azpimarratu du Van Zilj ezker hegalekoak “jokatzeko ez zuten modu bat ematen diela, Joaquinen sistemetan ageri da, taldean jokatzen duelako eta bere jokoari aberastasun handiagoa ematen diolako”. Herbehereetako hegalekoaz gain, super amara Bera Berako entrenatzaileak “Paola Bernabé, So Delgado eta Zaira Benítez adierazi ditu, talde orekatua da, bere defentsa jokoa nabarmentzen du, ez da inoirz erosoa haien aurka jokatzea. Elx goiko taldeetako bat izateko hautagaietako bat da, eta aurkari gogorra izango da, bai bihar, bai play-offetan”.
