Super Amara Bera Berak ESBF Besançonen hartuko du igandean (12,10 h. ETB1) Gascan, European Leagueko Q3 kanporaketako itzulikoan. Multzoen faserako txartela jokoan dago, horretarako, Frantzian joaneko 32-29koa irauli beharko du.
Erronka honen aurrean, Imanol Alvarez Besançoneko partidaren ondoren baino baikorrago agertu da. “Partida ikusten duzunean askoz ere gauza positibo gehiago ateratzen ditugu negatiboak baino, partidaren hasierako une txarrak jakinda, ondo ez bazaude min egin diezazuketen taldea dela jakinda, baina guk ere 3-9 partziala sartu genien hamar minututan”.
Hausnarketa horretan, entrenatzaileek “badakite non dauden gakoak” eta horregatik, zereginak markatu dituzte, “batez ere gure defentsa lana hobetu behar dugu eta erasoan xehetasun txikiak sartu. Espero dut joaneko partida hobetzea eta defentsan erasokortasuna hasieratik agertzea”. Alvarezek adierazi duenez, “bere defentsa 6-0 indartsua eta estua izango da, beraz, gu ukitzea saihestu behar dugu paseen kalitatea hobetze aldera”.
Bere ustez, garrantzitsua da “irabazten hasten gai izatea eta gero kanporaketa pasa dezakegun ikustea, Besançon talde indartsu bat delako”. “Kanporaketa pasatzeko aukerak daude – horretarako, lau goleko aldeaz irabazi behar da, eta hiru goleko abantailarekin kanporaketa penaltietara eramango luke –, baina galtzeko aukera ere badago, porrot handia hartzeko zorian egon ginelako”.
Sortzen ari den giroaz galdetuta, eta Gasca betetzear dagoela, Alvarezek espero du “Gascaren talde duina izaten saiatuko garela, animatzera etorriko den jendearena, urteko garrantzitsuenetako partida delako, nik pertsonalki multzoen fasea jokatu nahi dut berriro, eta mentalizatuta gaude”. “Ondo hasten bagara, jendea animatu egingo da eta laguntza emango digu” dio.
Azkenik, “hasierako antsietatea eta urduritasuna kontrolatzea” eskatu dio bere taldeari, eta “partida handi batez gozatzen saiatzea, presioa ez izatea, gozatzea eta egun garrantzitsu hau bizitzea”.
