Astea hasi denetik, joan den larunbatean Gascan Liga irabazi ondoren, super amara Bera Berak abendu interesgarri bezain zaila bistaratzen du, denboraldi honetako helburu asko jokoan jarriko dituelarik.
Europako kanporaketa ESBF Besanconen aurka, Superkopa Malagan eta ligako partidak Conservas Orbe Rubensa Porriñoren (laugarren sailkatua) eta Rocasaren (titulua irabazteko faborito nagusietako bat) aurka.
Hasteko, larunbatean (20etan) super amara Bera Berak ESBF Besançon frantziarraren aurka neurtuko ditu indarrak joaneko partidan, European Leagueko multzoen faserako txartela ematen duen kanporaketan. Itzulerako partida abenduaren 11n izango da Gascan (igandea, 12.10ean). Sei partidetako ligaxka 2023ko urtarrilaren 7an hasiko litzateke. Erronka zaila da oso, ESBF Besançon Frantziako ligako talde handienetako bat baita, nahiz eta denboraldi hau ez den modurik onenean hasi. Iaz Mecalia Atletico Guardes kanporatu zuen kanporaketa honetan eta multzoen fasean final-laurdenetarako sailkatu zen. Bertan, Bietingheimek galdu zuen, Viborgen antolatu zen lauko finala irabazi zuena.
Frantziako taldean, Alizée Frecon zentrala, Europako Txapelketako internazionalak izan diren Lucie Granier, Audrey Dembelé eta Natalia Nosek, eskuin hegalekoa, ezker albokoa eta eskuin albokoa; Zazai Sabrina, eskuin muturra, Algeriarekin internazioala. Gainera, Hauge eta Haug Lerstad Norvegiako atezainak bermaturik du leku hori, eskarmentua du ezker hegalekoan Camile Austinekin eta ezker hegalean Ivana Dezic kroaziarrarekin eta taldea osatzeko, gazte asko, horien artean, Mairot Clarisse, golegile nagusiena eta Juliette Faure
Europako kanporaketa honi berme guztiekin aurre egiteko, Bera Berak eta Mecalia Atletico Guardesek urriara aurreratu zuten asteburu honetan jokatu beharreko jardunaldia eta Bera Berak eskerrak eman nahi dizkio Conservas Orbe Rubensa Porriñori bederatzigarren jardunaldia abenduaren 21era atzeratzea onartu duelako. Hau da, Europako kanporaketaren ondoren gipuzkoarrek abenduaren 18an Malagan jokatuko den Superkopari ekingo dio eta ondoren Galiziara joko dute Porriñoren aurka jokatzeko.
2022a amaitzeko, klasiko bat: super amara Bera Berak Rocasa hartuko du Gascan (abenduaren 28an, asteazkena, 21etan). Teledeporte). Partida hori baino lehen kanariarrek Valladoliden jokatuko dute bihar (20,30ean) eta Mecalia Atletico Guardes hartuko dute abenduaren 17an Telden.
Abenduko egutegia:
Abenduak 3 Besançon 20etan: ESBF Besançon vs Super Amara Bera Bera
Abenduak Gasca 12,10etan: Super Amara Bera Bera vs ESBF Besançon
Abenduak 18 Ciudad Jardín Málaga 20,15etan: Super Amara Bera Bera vs Costa del Sol Málaga
Abenduak 21 Porriño 20,30etan: Conservas Orbe Rubensa – Super Amara Bera Bera
Abenduak 28 Gasca 21etan: Super Amara Bera Bera vs Rocasa
