33 egun pasatu dira Ligako azken partidatik, Atarrabian jokatu zena eta, ondorioz, taldea irrikan gaude berriro lehiaketara itzultzeko. Horrela adierazi du Imanol Álvarezek, gaur eguardian Gascan komunikabideen aurrean. Nazioarteko txapelketak amaituta, super amara Bera Berako entrenatzaileak “taldea pozik eta mentalizatuta” ikusten du “etenaldi ostean nola gauden zalantzarekin ere bai” bihar larunbata (18etan) Caja Rural Aula Valladolid Gascan hartzeko (Valdés eta Fernández, asturiarrak).
Álvarezek plantillak bizi izan dituen hiru errealitate kudeatu behar ditu. Donostian gelditu direnak, Espainiako selekzioarekin aritu direnak eta Amerikako Erdi Hego txapelketan izan direnak. “Hemen gelditzen diren jokalarientzat ez da egoera aproposa eta selekzioekin daudenak paper horretan daude, akaso Gavilán eta Fernandes beranduago amaitu dute eta bidaia dela eta nekatuago daude, baina multzoa talde bat moduan sentitzen ari da berriro”. Hilabete oso interesgarria bezain exijentea eta taldeak badaki. “Une honi heltzako irrikan gaude: Aula, Europa, Superkopa… “ adierazi du.
Malena Cavo da nobedadea Caja Rural Aula Valladoliden aurkako partidan. “Pozik dago eta taldearentzat albiste ona da lagunduko digulako. Hilabete mamitsua dator eta albiste ona da”.
Aularen aurkako lehian, Imanol Álvarezek garrantzia eman dio “ondo hasteari eta eroso sentitzeari”. Beti Onak taldearen aurka horrela egin genuen, ia hutsetik hasiko gara berriro eta beti zalantzak sortzen zaizkigu etenaldia eta gero”. Aurrean Caja Rural Aula Valladolid, jokalari ugari aldatu duelarik baina “filosifia verdina da, gainera, O’Mullony dator erreferente gisa”. “Aurkari ona da berriro hasteko eta badakigu nola etorriko den, elkarrekin entrenatu dira eta guk baino korrika gehiago egingo dute…”.
Europako txapelketan izandako arduraz galdetuta, Imanol Álvarezek azpimarratu du “horrelako esperientziak aprobetxatzen saiatu ari naiz, inoiz biziko nituenik ez nuelako pentsatu eta beti ikasten da maila gorenean zaudelako”.
