Malena Cavok minutu batzuk izango dituela nobedade, Super Amara Bera Bera eta Zubileta Evolution BM Zuazo taldeek bihar Zallan (18,30etan) Kadaguako Lagunen Oroimena delakoan elkarren aurka arituko dira, Guerreras Iberdrola Ligara itzuli aurretik azken lagunartekoan, Caja Rural Aula Valladolid azaroaren 26an Gasca bisitatuko duelako (18etan)
Sendagilearen agiria eskuartean, kanpoko menisko konpontzeko ebakuntza egin zioten Cavori abuztuaren 18an. Argentinarra pixkanaka pixkanaka taldearekin entrenaldietan murgildu da, ostegunean minutu batzuk jokatu zituen Herrería Bidebieta Bera Bera jubenil mutilen taldearen aurkako egindako entrenaldian. Aitzitik Alba Menéndez eta Laura Hernández baja izango dira. Kapitainak bizkarreko mina du eta elxetarrak zaintiratu txiki bat belaunean.
Ondorioz, Álex Noguések deialdia osatuko du bigarren taldeko jokalariekin, gaur gauean Andoainen euskal ligako partida dituztenak. Horien artean, Urretabizkaia, Oihane Bautista atezaina eta Amaia Zolezzi.
Bestetik, internazionalek asteartean egingo dute bat taldearekin. Shula Gavilán eta Mariane Fernandes lehiatzen jarraitzen dute Erdi Hego Amerikako txapelketan, 2023ko abenduan Danimarkan, Norvegian eta Suedian ospatuko den Mundialarei begira, txapelketa honek bi leku eskaintzen dituelako. Gaur gauean irabazita helburua lortuko dute, hau da Brasilek Paraguay gaindituz gero (21,30etan) eta Argentinak Txile (00.00etan) – Donostiako ordutegian-. Baldintza hori beteta elkarren aurka txapelketa jokoan izango dute larunbatean (00.00etan).
