Super Amara Bera Berak garaipenarekin estreinatu da Logroñoko Palacio de los Deportes delakoan, Grafometal La Rioja mendean hartuta (22-33), azken bi jardunaldietako distirarik gabe eta bigarren zatian partida haustea lortuz.
Partida hasieran, Laura Hernandezen hiru golek, bi hegaletik eta bat kontraerasoan, abantaila ematen zioten Super Amara Bera Berari, defentsan konfiantzarekin sentitzen baitzen. Alvarezek oraingoan Polonio Menendezen ondoan kokatu du erdialdean, Hernandez eta Etxeberriaren laguntzarekin, Boada eta Fernandes hegaletan eta Silva, altarekin, atepean.
Hala ere, Grafomental La Riojak Benitez eta Lorena Perezekin erantzun du hegaletatik. Medeot atezain argentinarra partidan sartu da eta Trujllok berdinketa lortu du (7 ': 4-4). Menendezek erantzun zion, baina Fernandesek eta Boadak ez zuten asmatzen. Kontraerasoan Poloniok arnasa eman zion bere taldeari. Juanjo Gonzalezen hutsunearen ondoren sei aldaketa etorri ziren: Erauskin, Arcos, Gavilán, Urretabizkaia, Arrojeria eta Loidi, Boadaren ordez defentsan.
Gavilán agintari sartu zen, Bosnjak pibotea bigarren aldiz baztertua izan zen, Arrojeriak aprobetxatu zuena (16 ': 5-8), baina jarraian ia aldi berean kanporatuak izan ziren Gavilan eta Erauskin. Baina Grafometal gerturatzeko aukera zuenean Super Amarak tartea hartu du. Silvak (sei geldialdi lehen aldian) Carla Rivasen jaurtiketa gelditu du eta Arrojeria eta gero Gavilanek abantaila handiagoa eman zien gipuzkoarrei (18 ': 6-10).
Baina Demic hegaleko bosniarrak ia jarraian hiru gol sartu zituen. Erauskinek hegaletik asmatu zuen, Gavilanek min egin jarraitu zuen eta Arrojeria bikain, bere pistatik gola egitekin. Trujillok kontraerasoan eta penaltiz asmatu zuen eta atsedenaldira 12-15 iritsi zen.
Bigarren zatiaren hasieran bazirudien Super Amara Bera Berak partida hautsiko zuela Menendezen eta Hernandezen golekin (hiru penalti huts egin gabe), baina Grafometal ez zen partidatik irten, Bosnjak pibotearekin konektatzen hasi zen eta Benitezek gola erraz ikusi zuen. Alvarezek Polonio aurreratu zuen (5-1), eta Fernandesek aurreko jaurtiketetak ahaztuz lau gol sartu zituen, 15-18tik 18-24ra partida eramanez, Hernandezen eta Silvaren laguntzarekin.
Grafometal La Rioja behera egin zuen, neurri batean Silvaren erruz, eta Arrojeriak eta Gavilanek lehen zatiaren amaiera errepikatu zuten errenta handitzeko (22-33).
Ondorioz, denboraldiko hirugarren garaipena ligan eta bigarren postuan kokatu da Rocasaren atzetik Super Amara, Costa del Sol Malagarekin (Porriñori irabazi dio) eta Beti Onakekin (Aula gainditu du Atarrabian) batera.
Fitxa: Grafometal La Rioja 22, Super Amara Bera Bera 33
Grafometal La Rioja 22 (12+10): Medeot, Trujillo (6, 1p), Demic (3), Benítez (3), Bosnjak (3), González (3) eta Pérez (1) –hasieako zazpikoa- Rivas (2), Learreta (1), Viñuela, García, Carrascón, Lozano, Loscos, Colías eta Navarro (o.a.)
Super Amara Bera Bera 33 (15+18): Silva, Etxeberria (1), Menéndez (2), Polonio (2), Boada (3), Fernandes (4) y Hernández (7, 3p) –hasierako zazpikoa- Erauskin (1), Arcos, Gavilán (5), Loidi (1), Arrojeria (7), Urretabizkaia eta Aalla (o.a.)
Epaileak: María Victoria Avilés eta María Sánchez, andaluziarrak
Kanporatuak: Demic, Bosnjak (2), Trujillo La Riojatik, Gavilán, Erauskin, Arcos Super Amaratik
Partzialak: 2-4, 4-5, 5-7, 6-10, 9-13, 12-15 –atsedenaldian- 13-17, 18-21, 18-24, 18-26, 21-28 eta 22-33
