Super Amara Bera Bera Logroñoko Palacio de los Deportes delakora joango da bihar Autocares Davidekin, non lehen aldiz arituko den partida ofizialean, Grafometal La Rioja talde igo berriaren aurka (19etan, María Victoria Avilés eta María Sánchez, andaluziarrak). Imanol Alvarez entrenatzaileak “kontzentrazioa” eskatu dio bere taldeari, aurkariaren “motibazioari” aurre egiteko.
Bere ustez, “bihar landu beharrekoa da, itxuraz gu baino maila baxua duen aurkari baten aurrean, Elxerekin eman genuen maila berari eusteko gai izateko kontzentrazioa”. “Horrek ondo hitz egingo luke gutaz” azpimarratu du. Granollersen eta Elxen aurkako garaipen argien ondoren, selekzioen deialdien eta ligako geldialdiaren atarian, Alvarezek uste du “erronka da indartsu hastea, kontrarioari ahalik eta errespetu gehien izanda”.
Bere taldea motibatzeko moduari buruz galdetuta, Alvarezek uste du “taldeak erakutsi behar du prest dagoela edozer gauzari aurre egiteko, galtzen ari garenean erreakzionatzeko, eta faborito garenean erakutsi behar dugula baietz, prest gaudela, gu nola gauden arabera izango dela partida, beti kontrarioa errespetatuz”.
Grafometal La Riojari buruz, Super Amara Bera Berako entrenatzailearen ustez, “hasi aurretik, askok maila galduko zuela pentsatzen zuten, baina jokoarekin, Aularen aurkako berdinketarekin, bere tokia zein den erakusten saiatzen ari da”. Eta bere jokalariei ohartarazten die “motibazio handiko talde bati aurre egin beharko diogu, ulertzen dut bere entrenatzaileak partidua ezer galdu gabe prestatuko duela eta bertsiorik onena ematen saiatuko direla”. Aitzitik, donostiarrek berretsi egin nahi dute “egiten ari garen joko ona, gure bertsiorik onena eskaintzen ez badugu partida konplikatuko zaigulako”.
Atticgo Elxen aurkako zerrendari dagokionez, Imanol Álvarezek Alice Fernandes Silvaren alta dauka eta, aldiz, baja dira Oihane Bautista, seniorrekin arituko dena, eta Eider Tapia, Lacturale Bera Bera jubenilarekin.
