Larunbat honetan Madrilen ospatu den Espainiako Eskubaloi Federazioaren Batzarrak aho batez onartu du 2022-23 denboraldiko kirol egutegia. Irailaren 3an hasiko da eta maiatzaren 30ean amaitu daiteke, titulurako play-offa jokatuko baita lehenengo zortzien artean, gainerakoek jaitsiera saihestea izango dute helburu.
Guerreras Iberdrola Ligan 12 talde arituko diren datorren denboraldian, liga erregularra irailaren 3tik apirilaren 15era izango da, eta hurrengo asteburuan Kopa, hau da, apirilaren 21etik 23ra, Costa del Sol Malaga antolatzailea eta Super Amara Bera Bera, Ligan ondoen sailkatua bertan direla (egungo txapelduna eta antolatzailea berdina delako). Play-offa eta play-downa apirilaren 29an hasiko dira.
Liga erregularreko lehen bi taldeek Europan parte hartzea ziurtatuta izango dute, play-offetan aldeko kantxa faktorea izateaz gain. Lehen kanporaketa joan-etorrikoa izango da, zortzigarrenaren eta lehenaren artekoa; zazpigarrenaren eta bigarrenaren artekoa; seigarrenaren eta hirugarrenaren eta bosgarrenaren eta laugarrenaren artekoa; lehenengo partida, ligan okerren gelditu den pistan; eta, teorian, berdinketa gertatuz gero, ez litzateke kontuan hartuko zein taldek sartzen dituen gol gehien etxetik kanpo. Aldiz, sistema aldatu egingo da maiatzaren 13tik 21era bitartean egingo diren finalaurrekoetan. Finalera iristeko taldeek bi partida irabazi beharko dituzte. Lehenengoa okerren sailkatuaren pistan jokatuko da eta hurrengo biak liga erregularrik onena egin zuen taldearen kantxan. Eta finala ere berdin: maiatzaren 24an, 28an eta 30ean, behar izanez gero.
Bestalde, azken lau sailkatuek jaitsiera saihestuko dute sei partidako ligaxkan, nahiz eta euren artean liga erregularrean lortutako puntuak kontutan izango diren.
Europa
EHFk hurrengo datak ezarri ditu European Leagueko multzoen faserako: irailaren 10ean eta 17an; urriaren 8an eta 15ean; eta abenduaren 3an eta 10ean. Europako Federazioak oraindik ez du lehiaketa horretan izena emateko dokumentazioa bidali, eta uztaileko lehen egunetara arte ez da jakingo nola izango den distribuzioa.
Bestalde, aurten Europako Txapelketa azaroan izango denez, Liga seigarren jardunaldiaren ondoren geldituko da, urriaren 22an, eta azaroaren 26an hasiko da berriro.
Superkopa
Federazioak Superkopa jokatzeko erreserbatu zuen abenduaren 17-18ko asteburua. Eta bi aukera daude, tradizionala edo Superkopa iberikoa ospatzea Portugalgo liga eta kopako txapeldunekin, kasu honetan, Benfica – Liga eta Kopa irabazi ditu- eta Colegio de Gaia, Kopako txapeldunorde gisa.
Ez-ordaintzeak
Batzarrak onartu zuen beste puntu bat da bi hilabetez jarraian jokalariekin ez ordaintzeak egiaztatzen badira, klubak sei puntu gal ditzakeela sailkapenean.
